POP 5

Lajmet më të lexuara të 5 minutave të fundit

Bota

Franca përfshihet nga grevat kundër rritjes së moshës për daljen në pension, ministri francez: Kjo nuk e dëmton ekonominë tonë

Pavarësisht grevave që po mbahen në Francë për të kundërshtuar planet e qeverisë për rritjen e moshës së pensionit, nga 62 që është aktualisht në 64, ministri francez i ekonomisë, Bruno Le Maire ka deklaruar se kjo nuk e dëmton ekonominë franceze.

 
Franca përfshihet nga grevat kundër rritjes së moshës për daljen në pension, ministri francez: Kjo nuk e dëmton ekonominë tonë

Ministri francez i Ekonomisë, Bruno Le Maire

Pavarësisht grevave që po mbahen në Francë për të kundërshtuar planet e qeverisë për rritjen e moshës së pensionit, nga 62 që është aktualisht në 64, ministri francez i ekonomisë, Bruno Le Maire ka deklaruar se kjo nuk e dëmton ekonominë franceze.

“Nuk mendoj se grevat do të kenë ndikim shumë të madh ekonomik në ekonominë franceze”, ka thënë Le Maire në Forumin Ekonomik Botëror në Davos, duke shtuar se ekonomia franceze është “duke ia dalë mirë”.

Ditën e djeshme më shumë se një milionë persona kanë marshuar nëpër qytetet franceze duke kundërshtuar planet e presidentit Emmanuel Macron për reformën e pensioneve. Sindikatat e punëtorëve kanë bërë thirrje që në 31 janar të mbahen protesta të tjera, por qeveria franceze ende nuk ka treguar shenja të tërheqjes nga kjo politikë.

 “Ne besojmë fuqishëm se kjo reformë është e nevojshme për Francën. Është mënyra më e mirë për të siguruar më shumë prosperitet për popullin francez”, u shpreh Le Maire.

Reforma duhet të miratohet në Parlament, ku Macroni ka humbur shumicën, por që shpreson në miratim me mbështetjen e konservatorëve.

Grevat në ditën e djeshme shkaktuan një ‘paralizë’ të shërbimit të trenave dhe linjave ndërqytetase. Shuma shkolla dhe shërbime publike u mbullën, gjithashtu edhe shumë fluturime në aeroportin Orly të Parisit, u anuluan. 
Sipas propozimeve të përshkruara në fillim të këtij muaji nga kryeministrja Élisabeth Borne, nga viti 2027, francezët do të duhet të punojnë 43 vjet për t'u kualifikuar për një pension të plotë, në krahasim me 42 vjet që është aktualisht.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Ditë me diell dhe temperatura deri në 19 gradë... parashikimi i motit për sot

Ditë me diell dhe temperatura deri në 19 gradë... parashikimi i motit për sot

6 Shkurt, 07:11