Franca ka shpërndarë propozimin e saj për ndryshimet në procesin e anëtarësimit të mëtejshëm në BE. Përmes një dokumenti jo procedurial, Franca u kërkon vendeve anëtare të ndryshojnë procedurat e parashikuara ligjërisht nga Traktati i Lisbonës, bazuar në vullnetin aktual politik.
Në dokument, megjithëse shprehet mbështetje për integrimin e vendeve të Ballkanit Perëndimor, kërkohen procese që duket se janë hendeqe të vendosura nga Franca për të mos u kapërcyer.
Konkretisht propozimi francez sheh si rreth të parë reformën në drejtësi dhe të drejtat e njeriut, më pas, në rrethin tjetër reforma në arsim, kulturë e sport, hapësirë transport e telekomunikacion, në rrethin e tretë punësimi dhe problemet sociale, në të katërtin financat, në të pestin tregu i brendshëm dhe në të shtatin çështjet e politikës së jashtme.
Thelbi i propozimit, i konfiguruar si rrathë të jashtëm të BE-së, kapërcehet vetëm nëse plotësohen kushtet e skajshme. Ai krijon pengesë për hapjen e dosjeve të reja, ndërsa procesi i deritanishëm lejon trajtimin e njëhershëm duke fituar kohë për reformat që mund të kryhen paralel.
Vendet anëtare të BE e kanë kundërshtuar në parim me shumicë ndryshimin e rregullave të lojës, sidomos për vendet e Ballkanit perëndimor.
Ndërkohë Gjermania ka vënë në dukje se integrimi gradual është provuar dhe nuk ka funksionuar në të ashtuquajturin proces i stabilizim asociimit, i krijuar pas luftës në Kosovë, për të afruar vendet e rajonit me BE, duke i arritur standartet gradualisht.
Komisioni Evropian nuk ka pranuar të komentojë dokumentin francez për metodologjinë e zgjerimit. Mina Andreva, zëdhënëse e Komisionit Europian tha se "Eshtë Këshilli i punêve të përgjithshme vendi ku mund tê diskutohet ky dokument. Qêndrimi ynë lidhur me hapjen e bisedimeve të anëtarësimit në BE me Shqipërinë dhe Maqedoninë e Veriut është i qartë; Të dyja vendet kanë kryer punën e tyre. Tani i takon BE-së të bëjë këtë”
Lajme të tjera
-
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Bregu: SEPA në Ballkan, një hap i madh drejt BE
22 Nëntor, 09:25 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Von der Leyen i shpëton jetën pasagjerit në avion
21 Nëntor, 16:31 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
