Bamir Topi në fjalën e tij ka thënë: “Respektuam dhe vlerësuam kërkesën për koalicion që u bë nga Rama publikisht. E pranuam këtë ftesë. Krahu i ashtuquajtur i djathtë as nuk denjoi të dërgonte ftesë. Ne jemi ndarë për parime dhe jo për çështje personale. Ata punojnë për pushtet dhe interesat e tyre, ne për parime. E neveritshme kur partitë politike futen në koalicion për të bërë pazare.”
Gazmend Oketa i cili ka shoqëruar kreun e FRD në takimin me strukturat në Pogradec, ka thënë se aktualisht kjo parti është në fillesat e koalicionit me Partinë Socialiste ndërkohë që në Korçë FRD është përjashtuar nga PD pa asnjë bazë. “Ndërtimi në parim pra ndërtimi në shtet është parimi ynë. Kodi zgjedhor duhet të respektohet. Do vazhdojmë të zgjedhim kandidatin e duhur për çdo bashki. KQZ fatkeqësisht është një institucion i kontrolluar politikisht, ndërsa Kodi Zgjedhor antikushtetues,” – ka thënë Oketa.
Redaksia online
(f.m/shqiptarja.com)