I akuzuar si i përfshirë në masakrën e Peshkëpisë, Fredi Beleri në Report Tv: Do jem kandidat i PBDNJ në Bashkinë e Himarës

TIRANË- Kreu i OMONIA-s në Himarës, Fredi Beleri do të jetë kandidati i opozitës së bashkuar për Bashkinë e Himarës në zgjedhjet e 14 majit. Ka qenë vete Beleri që ka bërë me dije këtë informacion në një lidhje për ‘Sot Live në Shqipëri’ me gazetarët Megi Sotiri dhe Nertil Agalliu, e teksa duket se ka mbetur vetëm zyrtarizimi.

“Pres vendimin përfundimtar të Këshillit Kombëtar dhe të PBDNJ dhe besoj se do të jem kandidati i opozitës së bashkuar për Bashkinë e Himarës. Opozita ia ka lënë të lirë PBDNJ, unë do jem kandidat për të marrë miratimin  e Këshillit të OMONIAS dhe PBDNJ”, tha Beleri në Report TV.

Himara është një nga 3 Bashkitë që nuk u zhvilluar primare nga ‘Rithemelimi’ pasi i janë lënë aleatëve të vegjël. Bashkitë e tjera janë Finiqi, Dropulli dhe Pusteci.

Fredi Beleri ka qenë edhe më herët kandidat për Bashkinë e Himarës, por nuk u kualifikua nga KQZ për të kandiduar pasi preket nga ligji i dekriminalizimit. Kjo sepse ai ka qenë në hetim dhe është marrë në pyetje edhe nga SPAK, për masakrën e Peshkëpisë, ngjarje e ndodhur në 10 prill 1994, ku 7 persona të armatosur dhe me uniforma ushtrie sulmuan një repart ushtarak shqiptar në rrethin e Gjirokastrës e ku ranë dëshmorë ushtarët Fatmir Shehu dhe Arsen Gjini. Çështja u mbyll më pas nga SPAK për mungesë provash. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vangjel dule: 20/12/2022 16:45

    Ne burg duhet te ishe

    Përgjigju
  • aaaa: 20/12/2022 16:07

    Ndoshta e rihap hetimin kreu i ri i SPAK

    Përgjigju
  • Pjeter: 20/12/2022 14:54

    Ne qofte se ky beu i fshatit dhe Avdulla mavria jane greke,atehere une me patjeter jam eskimez!!

    Përgjigju
  • vlora1: 20/12/2022 14:36

    Ne cdo vend te botes ky do ishte ne burg per ate masaker qe beri,ku dhe greqia nuk e fshehu dot po e arestoi.Po ne shqiperi behet kryebashkiak.Roft populli yne trim

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Guardia di Finanza me monitorim nga ajri