Freedom House kritika Kosovës:
Neni 37 te hiqet nga Kodi Penal 

KOSOVE- Organizata Freedom House i bën thirrje Parlamentit të Kosovës të tregojë kujdes ndryshime e propozuara në Kodin penal e më konkretisht nenin 37 të tij që parashikon ndjekje penale të gazetarëve, duke theksuar se një nen I tillë duhet eliminuar. 

Kjo organizatë bën apel që të zbatohen normat dhe rekomandimet ndërkombëtare lidhur me lirinë e shprehjes dhe të shtypit, ndërkohë që po diskuton dy nene të kodit penal që kanë të bëjnë me përgjegjësitë penale dhe raportimin e burimeve të informacionit.

Feedom House thekson se Neni 37 i kodit që parashikon ndjekjen penale të redaktorëve, gazetarëve dhe pronarëve për shkelje të paspecifikuara në medisa, përbën një kërkcëmin të rrezikshëm për lirinë e shprehjes dhe mund të sjellë vetë-censurë.

Ky nen, thotë Freedom House, duhet eliminuar krejtësisht, në përputhje me Nenin 19 të Konventës Ndërkombtare të Kombeve të Bashkuara për të Drejtat Civile dhe Politike dhe në përputhje me Nenin 10 të Konventës Evropiane të të Drejtave të Njeriut, e cila garanton ltë drejtën e lirisë së shprehjes pa ndërhyrje nga autoritetet publike.

Ndërkaq për Nenin 38 që parashikon rastet kur gazetarët janë të detyruar me ligj të zbulojnë burimet e informacionit, Freedom House shprehet dakord me rekomandimet e shoqërisë civile dhe të organizatave të monitorimit të medias në Kosovë se neni përmban terma të përgjithshme dhe duhet të rishikohet, në vend që të eliminohet. Në raprotin e fundit të Fredom Hause Kosova është kategorizuar si një vend pjesërisht i lirë përsa I përkt lirisë se shprehjes dhe të shtypit. 
(jd/shqiptarja.com)