Frika e protestave pro-palestineze, mbyllen 2 shkolla hebraike në Britani

Rishi Sunak u tha drejtuesve të policisë ditën e enjte që të kontrollonin urrejtjen kundër Izraelit, pasi dy shkolla hebraike në Londër kishin deklaruar se po mbylleshin për të mbrojtur nxënësit e tyre.

Shkolla fillore Torah Vodaas në Edgware dhe shkolla fillore Ateres Beis Yaakov në veri të Londrës informuan prindërit të enjten në mbrëmje se nuk do të rihapen deri të hënën.

Rabini Feldman, i Torah Vodaas, sqaroi se nuk kishte asnjë kërcënim specifik për shkollën dhe se vendimi për mbylljen nuk ishte marrë lehtë", raporton DailyMail. 

Ndërkohë që ky vendim thuhet se u mor pasi studentët hebrenj po paralajmëroheshin nga shkollat ​​që të maskonin uniformën e tyre për shkak të frikës nga sulmet hakmarrëse të shkaktuara nga lufta e vazhdueshme në Izrael.

Organizata bamirëse hebraike CST tha se kishte parë një rritje prej 324% në raportet e antisemitizmit si rezultat gjatë katër ditëve të fundit.

Në gjysmë ore të fundit, Kryeministri britanik, Rishi Sunak, ka njoftuar një fond shtesë prej 3 milion paund për të mbrojtur shkollat ​​dhe sinagogat hebraike.

Lajmi kryesor:

Lufta/ Gaza, civilët nisin të largohen në masë! Ushtria izraelite nis ofensivën! Netanyahu: Ky është vetëm fillimi, do ta shkatërrojmë Hamas! Vritet gazetari i Reuters

S.S/Shqiptarja.com

TAG:
• sulmohet izraeli
• Rishi Sunak
• Britani e Madhe