POP 5

Lajmet më të lexuara të 5 minutave të fundit

Kronikë

Frikë nga hakmarrja, familja e autorit të masakrës në Mat largohet nga fshati

Familjarët e Kujtim Koxhajt gjatë ditës së sotme janë larguar nga shtëpia e tyre në fshatin Shëlli nga frika e ndonjë hakmarrje të mundshme prej të afërmve të viktimave.

Frikë nga hakmarrja, familja e autorit të masakrës në Mat largohet nga fshati

Kujtim Koxha sot para gjykates

MAT-Familjarët e Kujtim Koxhajt gjatë ditës së sotme janë larguar nga shtëpia e tyre në fshatin Shëlli nga frika e ndonjë hakmarrje të mundshme prej të afërmve të viktimave. Kujtim Koxha pak ditë më parë vrau me armë zjarri tre persona. Ai sot doli para gjykatës, por nuk pranoi të flasë përpara trupit gjykues, ndërsa ka refuzuar avokatin e caktuar nga Gjykata.

Ndërsa gjatë dëshmisë së tij në polici, 54-vjeçari pranoi autorësinë e krimit, por nuk është penduar për tre viktimat që shkaktoi, dy nga të cilët punonjës të Bashkisë, Erzen Aliaj dhe Mentor Hoxha, dhe bashkëfshatarin e tij, Hamit Buçi, ndërsa mbeti i plagosur Astrit Hani, i cili ndodhet në spitalin e Burrelit.

Ai është shprehur se debatoi fillimisht me viktimat, ndërsa njëri prej tyre, Erzen Aliaj e ka goditur me një shpullë, teksa ndodheshin në lokalin e fshatit. Në gjendje të dehur, 54-vjeçari ka dalë nga lokali dhe është kthyer më pas me një armë zjarri kallashnikov, karikatorin e të cilit e zbrazi mbi tre viktimat.

Ngjarja mund të kishte bilanc edhe më tragjik, nëse Kujtim Koxhës nuk do i ishte marrë arma nga dora. Përpara policisë ai tha se ishte ndjerë i fyer nga goditja me shuplakë në sy të bashkëfshatarëve të tij dhe për këtë shkak ndërmori aktin makabër.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 16/10/2018 09:17

    Vetëm e vetem se injoranti fshatar deshi te vinte ”nderin” e tij ne vend perballe injoranteve te tjerë fshatare qe do ta mbanin nëpër goje se medemek humbi burrerine nga shuplaka, detyron tani te afermit e tij te ngrihen me kuç e me maç e të shperngulen nga qetesia e shtepise se tyre. Kaq neandërtal i prapambetur, krijesë me ndergjegje të Epokës se Gurit!

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14