Mbyllen hetimet për 'Partizanin'/ Avokati: Berisha rrezikon të paktën 15 vite burg, të hetohen dhe ministrat e tij! Meta i mbaruar si politikisht ashtu dhe juridikisht

Tirane- SPAK ka mbyllur hetimet ndaj ish kryeministrit Berisha dhe dhëndrit të tij Jamarbër Malltezit dhe tashmë dosja pritet të kalojë në GJKKO ku do të jetë gjyqtari paraprak që do vendosë nëse dosja do të kalojë për gjykim apo të rikthehet për hetime në SPAK.

Avokati Romeo Kara i ftuar në studion e ‘Frontline Intervieë’ për gazetaren Marsela Karapanço bën dhe një prognozë të këtij procesi gjyqësor.

'Shyqyr që mbaruam pjesën e parë. Rruga do jetë e gjatë. Rezistoi kësaj gjatë për llogari të vetes vet dhe të gjithë zullumqarëve të vendit. Ai ekip është shumë i vogël për tu marrë me këtë armatë hajdutësh. Jemi lodhur duke mbajtur parime. Mendoj se do marrë statusin e personit të pandehur. Në seancën e parë do kemi luftë ligjore. Secili do i interpretojë sipas këndvështrimit të tij.'

LEXO EDHE:
Mero Baze: Salianji duhet të zhgënjehet nga Berisha, jo nga gjyqtarët

Sipas tij, ish kryeministri vetëm për akuzën e korrupsionit rrezikon të paktën 15 vite burg, ndërsa parashikon se ndaj tij mund të ngrihen dhe akuza të reja.

'Kur të tejkalohen provat atëherë do vendose për dëshmitar apo prova të reja. Vetëm pastrimi i parave që mendoj se do shtohet, mendoj se minimumi 15 vjet. Mund ti shtoj edhe shpërdorimi i detyrës. Nëse lexohet tamam do kemi mjaft persona të tjerë nën akuzë. Ka organizuar një qeveri të tërë për vendime të paligjshme. E kam thënë dhe vende të tjera, mendoj se degradimi i madh i një sistemi është kur miratohen ligje të paligjshme. Personi që ka organizuar bashkë me ata në unison nuk bashkohen rreth një programi të ligjshëm por një programi të paligjshëm.'

Lidhur me përfshirjen e ministrave dhe deputetëve në kalimin e ligjit selektiv që u mor prona tek ish-Partizani, avokati thotë se duhet të ketë hetim dhe për ta.

'Nëse gjykata, pse nuk keni marrë në ndjekje penale, nuk vihet drejtësia ndryshe, deputetë dhe ministrat që kanë votuar dhe kanë marrë këtë hap. Çdo hap ligjor duhet të ketë gjithë shënimet. Pse nisi? E nis ti me telefon dhe të them në parlament? Që aty nis hetimi. Ne nuk kemi komentar të ligjit. Edhe sot të thuash më jep një VKM, të thotë nuk është disponueshme. Si mund të tolerosh që një person me të rënë të lapsit, të fusin në xhep 300 milion euro?'

Së fundmi, avokati bëri dhe një koment për hetimet ndaj Ilir Metës, për të cilin thotë se është drejt fundit si politikisht ashtu dhe juridikisht.

'Dikur kam qenë më i rrëmbyer. Tani që po qetësohem dhe po çmendet ai është drejt fundit. S’ka për të humbur ndonjë gjë më të madhe, dinjitetin e ka humbur. Pasuria më e madhe është brenda lëkurës jo jashtë. Meta është çështje e mbyllur politikisht dhe juridikisht. Nuk ka lënë më pellg pa provuar. Edhe ai është lodhur dhe kam përshtypjen do rrëfehet vetë.'

G.K/E.B/Shqiptarja.com

TAG:
• spak heton partizanin
• dosja partizani
• spak
• Ilir Meta
• sali berisha
• Frontline Interview
• romeo kara