Këta dinë të bëjnë të njëjtën gjë. Atë që kanë bërë qysh kur kanë lindur. Atë që kanë dalluar vetëm copën e djathit në një qoshe dhe vrimën e tyre: Dil nga vrima e turru te ‘djathi’. Në fakt djathi ka qenë copë e madhe e Shqipërisë, të cilën miu nuk do ta imagjinonte as do ta kapërdinte dot. Këta e kanë rrëmbyer pjesën e madhe dhe tani po përgjigjen para gjyqit. Por kjo është psikoza e njeriut mbi instinktin e miut. Miu di vetëm rrugën e tij, nga atje te diku tjetër, gjithë jetën.
Fatkeqësisht, këta ndodhen po aty.
U trazuan lajmet, mediat, tellallët, kuvendorët dhe militantët për një rreng instinktiv sikur Sali Berisha, ‘kryemiu’ i tyre do të dilte nga vrima dhe do të konfirmohej në Kuvend?! Po. Kjo që ndodhi mbante në vetvete instinktin e trefishtë të ‘rrugës së miut’:
Instinkti i parë, ai i ‘doktor- miut’.
Sa kohë kishte jetë për të dhunuar të drejtën e njeriut, ai punonte rrengje instinktive edhe ndaj miqve të tij. Më i fundit ishte ‘stërkëmbësi fshehurazi’ që i bëri shoqes së ngushta Jozefinë. I tha Lulit që atëherë që të mos e vinte në listën e kandidatëve për deputetë, por të nesërmen që në mëngjes doli e tha se ‘Jozi është e vështirë, por Luli duhej ta mbante!’. Kësaj here e hodhi në Drin të Lezhës shoqen e tij dhe e zëvendësoi me një jurist veteriner ‘si shok’ të tij. Kështu ia pat bërë edhe shokut të ngushtë Azem. E vërtiste rreth selisë së PD, derisa një ditë vjen dikush nga Tropoja dhe bën shenja vrasjeje.
‘Doktor- miu’ bëri vetëm një shenjë me kokë që nënkuptonte ‘hiqeni qafe’. Tani betohet si për Jozin: ‘Unë e desha, por të tjerë nuk e deshën’. U jep shpresë edhe Bardhit, edhe Salijanjit, edhe Nokës.., por në fund- te miu. Ja, kjo ndodhi edhe kësaj here, sipas instinktit të ‘rrugës së miut’, sipas të cilit ‘deputetët socialistë po vdesin që ta shikojnë doktorin në Parlament’. Puna ishte që të ngatërronte në krimin e tij edhe ata që kanë ‘dalë malit’ për të çliruar vendin nga krimi.
Instinkti i dytë, i ‘Babales’.
‘Miu’ që solli në PD lajmin për politikë të madhe dhe për fitore opozitare, lajm jo nga realiteti por nga xherize të fshehta, tanimë është kthyer në fenomen. U rekrutuan njerëz, u provuan zëra, u kopjuan CD, u sajuan studio…, e gjitha që dikush të kishte zërin si vëllai ‘trafikant’ i deputetit kundërshtar. Po kësaj here ky kopjoji në mijëra kopje zërin e një përfaqësuesja politike kundërshtare që paska ‘kërkuar’ të vijë Saliu në Parlament. E njëjta rrugë, sa për të gjetur ‘copën e djathit’ e me vrap në folenë e errët.
Me manovra të tilla instinktive po tentojnë të mashtrojnë sa më shumë njerëz rreth tyre sikur në atë instinkt bëjnë pjesë edhe ata. Ditën ne fundit shtetin që paraqesin është ai shteti i shkatërruar që bënë këta. Në fakt, qëllimi është që të kapin prapë copat e mëdha, jo të djathit, por kulla, bregdet, qeveri, fishekë, avionë, vrasjet… Me këtë vijë nuk kanë ndryshuar asgjë nga ajo çfarë ka ndodhur me ta.
Instinkti i tretë:
Kthimi te ‘Plepat’.
Plepi është totemi në Shqipëri i Drejtësisë shkatërrimtare ndaj vendit tonë. Historia është kështu: Kur mori pushtetin Sali Berisha, zjarrvënës ndaj vendit dhe interesave të njeriut, vuri makinën e fuqishme në dobi të ‘djathit’ të tij. Me këtë rast ngriti një çerdhe militantësh në breg të detit dhe u tha se ‘jeni në kurs drejtësie’. Ata vodhën për vete dhe për Saliun, rrënuan të drejtën dhe mbajtën anën kundër saj, çuan në vetëvrasje mijëra njerëz që u vodhën të drejtën, ngatërruan pronën dhe të drejtën e pronës aq shumë sa nuk zgjidhet kurrë; u pasuruan dhe tani janë gati të bëjnë revoluciononin e kuq të Saliut.
Saliu bash për këtë arsye është non- grata dhe në arrest. Por llojin e tij, Saliu e do në krye të shoqërisë, përsëri. Instinkti i miut… Një nga ‘juristët e plepit’, të shpallur të padëshiruar për Perëndimin, e ka dërguar në Lezhë për ta fabrikuar politikan e deputet. Thjesht që të kërcënojë popullin dhe Drejtësinë. Ai dhe ata janë nisur për atje, në rrugën nuk mund të ketë asnjë kthim.
Komente
Lajme të tjera
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
-
Martin Leka: Saliu doli, alibia ra, Rama fërkon duart!
27 Nëntor, 14:51
Frok Çupi një shkrim brilant, një shkrim i përkryer po të gjith ata minjt që rin posht miut të madh jan minjt që kan ngrën e vjedhur pa fund e tani kta minj të leckosur kan ngel pa buk e jan shum të uritur. E shpëtim e vetëm ata kan kryemiun e tyre Sali Bajgën. Se ata minj posht dritares së Sali Bajgës sdin të punojn e me djersën e tyre të rojn por din vetëm të vjedhin pa pushim e jan të gjith analfabet me diplloma të blera si për shëmbull Qen Peka me shok.
PërgjigjuHajde dru me preeee!
Përgjigju