Kur u zbardh dita sot, as që e kisha mendjen se kush ka lindur në 16 Nëntor. Një nga të përjetshmit e fiksuar me Enver Hoxhën, sapo pa datën 16, nuk u mendua cili muaj, nisi të mallkojë ‘djallin’ që ka lindur sot (!).
Enver Hoxha u bë me dy ditëlindje; njeriu që shkroi për ditëlindjen, me siguri ka humbur pak kohë nga jeta e tij, e ka hidhëruar mëngjesin, i ka vrarë ca si shumë qeliza, dhe është bërë më i paqetë.
Ditëlindja e ‘djallit’ iu prish ditën dhe jetën; madje u jep helm që ua shpërndajnë edhe të tjerëve. Një jetë të tërë, një Parti e lindur si ‘Demokratike’, bie dhe zgjohet me Enver Hoxhën. Bën sikur është antikomuniste, por në fakt është në qelizë enveriste. Po t’i ndahet sot Enverit, atëherë çfarë mbeti? Mbetën vetëm disa gërmadha që këta i krijuan mbi themelet e veprave të ‘Djallit’. Njësoj si në ditë- mortin e të vdekurit: ‘Ishte njeri dhe u bë fjalë!’, thuhet në funeral.
Vetë antikomunizmi ndërtoi skemën e përjetësisë së komunizmit. ‘Dil e fol, dil e sulmo, dil e shaj, dil e mallko!’, kjo ishte. ‘Fjalë, fjalë, fjalë…. Emër, emër, emër!’. Kështu ngulitet më mirë.
Që në gushtin e vitit 1991 pata shkruar:
-Njerëz, hapni sytë, Saliu nuk është larg nga Enveri. Saliu s’ka punë tjetër veçse të na flasë gjithë ditën për Enver Hoxhën. Flet keq, sigurisht; se nuk mund të flasë mirë. E shan, e fyen, e shpif, e rreh në varr… Përfytyrimi im për këtë ‘luftë’ kundër diktatorit është ky: “Saliu ka gjetur teatrin si të mos ndahet nga Enveri. Ka marrë kamxhikun dhe qëllon mbi Enverin. Por për ta qëlluar pa pushim atij tjetrit duhet t’i rrish shumë afër. Enveri është në karrocën e vet, me të cilën eci gjatë regjimit të tij derisa ngeci, populli ngeli me talone ushqimore. Saliu po aty. Edhe PD me karrocën e vet ndodhet në të njëjtën rrugë e shpejtësi…
Tani njeriu ngrihet në mëngjes e i duket sikur është data 16 tetor. Çdo muaj është tetor dhe data 16. Çdo protestë e ‘antikomunistëve’ thërret në skenë Enverin. Enverin e thërrasin kudo. Asgjë nuk ka ndryshuar që nga koha kur ditëlindja e diktatorit festohej hapur, nga bulevardi në familje; nga Konispoli në Tropojë. Veçse tani festohet më ngushtë dhe në një mënyrë më të ndezur: Vetëm për vetëm, ose me dy tre idhnakë. Idhnaku kundër në fakt është i dashuruari më i zjarrtë pro Enverit. Ai sot vret disa qeliza njerëzore për shkak të ‘epshit’ ndaj Enverit; atëherë nuk i harxhonin shumica veçse bënin adetin.
Atëherë këta që kanë ‘zjarr’ sot, ishin ose në burgje, ose të internuar, ose të deklasuar rrugëve të fshatit. Por jo se nuk e dashuronin Enver Hoxhën. Madje pjesa më e madhe e urrejtjes që thithën nëpër kampe ndëshkimi, ishte krijuar pse ‘jo këta, por disa të tjerë’ kishin të drejtë t’i rrinin pranë Partisë. Edhe sot e kësaj dite, me të njëjtin epsh. Nga burgjet ku vuajtën dënime, ‘politikët’ dolën më shumë komunistë se këta që ishin në rrethinat e burgut. Askush prej tyre, pas viteve ‘50, nuk kishte më ide politike. Të burgosur fatkeqe, por refuge.
Megjithatë ‘sahatin’ e kanë të fiksuar në sloganin ‘antikomunist’ ( lexo prokomunist) që e përsëritin mes njëri tjetrit. Edhe liderin shpirtëror e preferuan nga komunistët më të egër të vendit. Sali Berisha është komunisti i fundit që ka mbetur në Europën ish- komuniste, por quhet udhëheqës i ‘antikomunistëve’. Këta vdesin akoma për të dhe shkruajnë për ditëlindjen e Enverit. Siç antikomunistët më të këqij janë komunistët e këqij; ashtu edhe të burgosurit më të këqij janë ata që nuk harrojnë Enver Hoxhën. Këta nuk jetojnë as jetën e tyre, në emër të të cilës thonë se ‘u ka ngelur gozhdë’ komunizmi.
Njerëzit që kanë lindur ditët pas vdekjes së Enver Hoxhës tani janë 39- 40 vjeç. Disa prej tyre janë ministra ose eksponentë të laboratorëve të Inteligjencies Artificiale…
Mirëpo ‘antikomunistët’ u rrinë në vesh si mizë kali.
Komente
Lajme të tjera
-
Kremtohet 80-vjetori i eliminimit të 39 intelektualëve të Tiranës! Ndregjoni: I vranë komunistët e Enver Hoxhës!
17 Nëntor, 20:11
-
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Dy ditë seancë maratonë, Kuvendi do miratojë Buxhetin! PD ka paralajmëruar protestë të martën në orën 17:00
17 Nëntor, 17:31
-
Berisha sulmon luftën partizane: 17 Nëntori shënon zëvendësimin e një pushtimi të huaj, me një pushtim barbar që zgjati 46 vite! Masakra e terrorit të kuq
17 Nëntor, 16:41 -
Buxheti 2025/ Bardhi: Rama ka para që të paguajë inceneratorët që s’ekzistojnë, por jo për pensione dinjitoze! Në 12 vjet nuk bëri asgjë, më të ulëtat në rajon
17 Nëntor, 15:21 -
PD thirrje SPAK: Heto procedurën e shpalljes si investitor strategjik të vëllait të kryetarit të FRESSH dhe ish-kryebashkiakut të Vorës
17 Nëntor, 14:48 -
Shpërthen ish-deputeti PD për çlirimin e Tiranës: Një komunist i mirë, është një komunist i vdekur
17 Nëntor, 12:11 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
'Kryebashkiakja e Kurbinit dosjet mal në SPAK', PD: Abuzime me rindërtimin, vjedhje të pronave dhe korrupsion
16 Nëntor, 21:30 -
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
Vota e diasporës/ PD: Edi Rama dhe PS kanë nisur operacionin kriminal për ta manipuluar
16 Nëntor, 18:59 -
'Forcat e reja i bëjnë fresk Ramës', Endri Shabani replikon me Berishën: Je pjesë e tavës, ke marrë leje ndërtimi nga Rama
16 Nëntor, 17:39
Ti or Frrok jo ta duash Enverin, sepse e ke dashur gjithmone dhe ke qene nje nga spiunet me besnike te tij, por mundesisht te shkosh e ti besh roje ke varri sepse mos shkon prap ndonje e ja shurron.
PërgjigjuTë mos shkruash edhe një mendim të vetëm për një shkrim çudi e madhe.Por çidia më e madhe zgjat vetëm 1 ditë.M.gj.atë sa për dijeni për gazetën a gazetarin çdo mendim apo vlerësim për një kohë të një njeriu nuk besoj se përbën krim.ENVER HOXHA NUK ISHTE SISTEMI POR DREJTUES SI SALIU. I PARI BËRI SHTET SHQIPTAR KURSE I 2 E SHKATËROJ ATË,për të parin është kriminel i dyti burë ,a jeni në vehte me këtë arsyetim????Diktatorët duan injorancën por Enveri hapi për herë të PARË NË HISTORIN E SHQIPËRIS UNIVERSITETET,KRIJOJ INDUSTRIN DERI TEK E RËNDA,THAU KËNETAT,BËRI ELEKTRIFIKIMIN,KRIJOJ FORC.E ARMAT.me të tëra llojët e armëve e shërbimeve.
Përgjigju