POP 5

Lajmet më të lexuara të 5 minutave të fundit

Opinion

Frrok Çupi: Një b… e çmuar sa e Berishës

Po kush i shkon pas Berishës, mor aman? Sot do të shikojmë të çapiten rrugëve të Tiranës ca njerëz të ardhur nga skërkat e dynjasë, dhe këta do të ngrenë dy gishtat pas b… së Berishës me gjasmë po shpëtojnë vendin ‘në Rrezik’ dhe po na japin leksionin e hijeshisë…, së demokracisë.

Frrok Çupi: Një b… e çmuar sa e Berishës

Ish-kryeministri Sali Berisha

Po kush i shkon pas Berishës, mor aman? Sot do të shikojmë të çapiten rrugëve të Tiranës ca njerëz të ardhur nga skërkat e dynjasë, dhe këta do të ngrenë dy gishtat pas b… së Berishës me gjasmë po shpëtojnë vendin ‘në Rrezik’ dhe po na japin leksionin e hijeshisë…, së demokracisë.

Po çfarë mund të ketë tashmë pas asaj qenieje të shtrembër?

Deri më sot i kam qarë hallin rojës së tij personale, estetikisht e kam menduar se është në hall, kur i tërheq e i shtyn karrigen në ‘pas’ të Berishës. A mund t’i rrish aq afër ‘pas’ së asaj qenieje të sajuar shtremba- shtremba. Edhe aq ‘drejt’ sa është sot, është meritë e George Sorosit.

Në fillim të vitit 1992, kur Berisha hyri në zyrën e lartë të presidentit të Republikës, George Soros u shfaq në Tiranë. Sapo e takoi presidentin, (nga përpara e vështroi multimilarderi), kuptoi se këtu kishte punë të ngutshme. Presidenti ecte si kalë, dora e djathtë me këmbën e djathtë, i vetmi në këtë rruzull që ecte kështu. Këtu nisi puna e Soros, njërën dorë ia lidhi pas trupit dhe e ushtroi korridoreve nja tre muaj. Në zyrat e Sorosit që ishin vendosur në Piramidën e Tiranës, ky ishte halli i madh i Fondacionit. Që atëherë presidenti Berisha ecën me njërën dorë të lidhur ‘për forca’, por tani i duket efekti: zhvendoset shtrembër.

Te ky ‘pas’ do të vargëzohen edhe sot disa njerëz rrugicave të Tiranës. Sa turp më vjen për disa të njohur të mi, po ndoshta e kanë nga halli.

Ka pasur raste kur njerëz të ndryshëm kanë ndjekur nga pas dikë a diçka edhe në momente jo fort të hijshme. E kanë ndjekur nga pas lopën që papritur kishte gëlltitur diamantin e madh të stolisë së gruas, deri në momentin e duhur. Ka akoma më shumë raste në tregimet naive kur ndjekin pas ‘këndezin që pjell flori’. Por të paktën, vinte një moment kur b… e kafshëve ‘të bekuara’ e nxirrte floririn. Po çfarë kërkojnë këta njerëz pas Berishës? Ky, si dhe shoku i tij Metë, e fshehën ‘nga pas’ floririn e Kërrabës që ishte floriri i Rezervës së Shtetit; e tani nuk pritet që ta nxjerrin as përpara. Madje është edhe kjo një arsye pse Berisha e Meta bëjnë vetëm përpara e sulmojnë gjithë botën, sepse nuk duan të vjellin pasurinë e vjedhur shtetit e publikut. Ditën që do të ndodhë kjo (nëse ndodh sipas premtimeve të Drejtësisë), këta do të bëjnë vezën e artë para një polici, një gjykatësi dhe një prokurori, jo para ‘kokëpalarëve’ që i vijnë sot vërdallë qytetit…. Po atëherë pse këta derdimenë u shkojnë nga pas?

Të paktën, ata që kanë qenë zyrtarë të tij dhe disa të tjerë që janë edhe zot zyrtarë politikë,  të kishin të merrnin nga pjesa e pasme ku kalojnë ‘dy luanët’ ndonjë post a ndonjë medalje… Po këta tani janë vetëm atavizma, ca hije që lëvizin shtremba-shtremba për t’u prekur me njëri tjetrin sa për t’u bindur se janë në jetë. Këta i rrinë nga pas ‘bimës’ së tharë. Më në fund b… në e Berishës e thau vetë Amerika që ia kishte duruar tre dekada po… caqitë nëpër anale terrorizmi e marifetesh shkatërrimtare për demokracinë. Po sot çfarë i duan nga pas?

Është për tu tmerruar. Qoftë edhe sikur njëzet vetë t’ i shkojnë nga pas, megjithatë të lind e drejta të tmerrohesh për kualitetin e ulët njerëzor. Këtu të lind e drejta të vërtetosh se industria ‘ monster’ e Elbasanit dhe përqendrimi mes njerëzish i tymrave dhe lëndëve helmuese, po i jep efektet pikërisht tani. Ose ndonjë mallkim tjetër. Zyrtarët e lartë të Berishës, sigurisht, e dinë se prej tij nuk del më gjë, por këta janë aq të korruptuar saqë shfaqen pas tij, me qëllim që t’ i shikojë me b… dhe të mos i denoncojë. Se B…. mund t’u thotë fare kollaj: ‘ Pa eja këtu more tezak!, unë t’i di ku i ke fshehur paratë, o silli paratë o jep jetën!’. Këtë frikë kanë. Sepse kanë parë si ka bërë B… me të tjerët deri më sot, prandaj iu duket e çmuar t’i rrinë pas B-së.

Më shumë gjynah të vjen për ata që vijnë nga skërkat e ‘protestojnë’ për pesë mijë lekë, por edhe ato u thotë Zeni se do tua dërgojë me ‘postë’. Zeni- po, ka të drejtë ta lavdërojë shkronjën ‘b’ në dyfish.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jomi: 13/11/2022 06:29

    Ndersa Rama beri njenligj special per te eleminuar jo bp e sigurimit per kedo me nje rekord neper letra (kupto, IM) kete krye bashkepuntorin e artit Frroku nuk ja paska nderprere lidhjen akoma. Madje i ka dhene vike sjellje pa afat te shfryhet ndaj armikut.

    Përgjigju
  • O tej: 12/11/2022 20:47

    Medemek Berishe= bythe

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46