POP 5

Lajmet më të lexuara të 5 minutave të fundit

Opinion

Frrok Çupi: Nuk ka më lajm, çapitet rrugës e nuk ia del në krye

A ka lajm për sot? Këto që lëshohen mediave duken më shumë thërrime të vjetra ose copa të reja që nuk ngjiten me njëra tjetrën

Frrok Çupi: Nuk ka më lajm, çapitet rrugës e nuk ia del në krye

Ish kryeministri, Sali Berisha

A ka lajm për sot? Këto që lëshohen mediave duken më shumë thërrime të vjetra ose copa të reja që nuk ngjiten me njëra tjetrën.

Rrallë kush e kishte marrë në sy sot lajmin e vërtetë të ditës: Vizita zyrtare e kryeministres së Danimarkës në Tiranë. Por edhe pse ngjarja politike shkoi deri në fund, prapë rrallë kush ‘e mori në sy’. Një nga gazetaret ‘e vjetra’ në moshë diku te 25, pyeti kryeministrin Edi Rama:

Gazetarja: Pse nuk i çoni të gjitha partitë të regjistrohen në zgjedhje?

Sa shumë lajme tentuan të dalin në ato pak minuta; lajme si bari i dobët i dimrit. I pari, tentohej për tu bërë lajm ‘pse partisë së Berishës nuk i hapni rrugës për në zgjedhje?’. Ende pa dalë në jetë, lajmi vdiq: Berisha nuk ka më parti; nuk ka parti që në shtator 2021, por në datë 3 mars vendosi edhe gjykata.

I dyti: Kryeministri u përgjigj se ‘asnjë parti nuk mbetet pa u regjistruar’. Lajmi ishte më shumë për shkruesit e tij: Mos i thoni parti asaj që nuk është parti!. Ka  një kohë shumë të gjatë kur shkrues dhe folës  të lajmit vazhdojnë ta quajnë ‘Foltoren’ si PD, gjë që ka dezinformuar publikun. Edhe në konferencën me Danimarkën, lajmi kthehet te bishti: Ku është sot partia e Berishës?

I treti, lajmi i vërtetë nuk quhet, ndërsa lajmi që shpiket tenton të nxjerrë kokë. Marrëdhëniet e Shqipërisë me Danimarkën, që dot u manifestuan përmes një akti kulmor shtetëror, përbëjnë ngjarjen më të rëndësishme. Pse këtu nuk prodhon ‘lajm’ me peshë një gjë që ndodh mes nesh dhe shteteve të Europës?

Ka më shumë arsye se sa vetë arsyet e lajmit që çapitet rrugës e nuk del mbi dhe:

Arsyeja se qysh në kohën e gjyshërve të reporterëve të sotëm, lajmi i jashtëm ‘nuk kishte pikë rëndësie’. Ishte kohë izolimi dhe ‘hamë bar, por nuk kemi punë me ata’. Gjyshërit ikën, por nipërit mbajnë në gji të njëjtin ‘izolim’. Lajm quhet ajo që ndodh prej këtu në Tropojë, ose vetëm në Viçidol.

Arsye tjetër: se Danimarka (ose Luksemburgu, ose Norvegjia, ose edhe vetë Amerika), nuk kanë këtu një pronar ose parti që u qëndron pas reporterëve dhe i cyt ‘thuaja këtë të Alibeajt…, thuaj për Berishën’. Tanimë as revista Hosteni nuk qarkullon më, por hosteni mbi reporterët bezdis lajmin dhe të vërtetën.

Arsyeje pse këtu nuk quhet lajm ajo që ndodh mes nesh dhe shteteve të Europës? Kohët e fundit ngjarjet mes nesh dhe Perëndimit kanë bërë hapa të pa ëndërruar. Danimarka është anëtare e BE dhe thotë këtu se ‘Shqipërinë do ta votojë për në BE; thotë edhe se ‘Tirana është një aleate e besueshme’. Kush e do këtë?! Lajmi i mirë këtu nuk quhet lajm. Jo veç për leksionin qesharak e të vjetër se ‘good neës isn’t neës’; por për arsye se këtu nuk e shkruajnë dot lajmin e mirë…

Atëherë lajmi çapitet rrugës, por nuk ia del. Sot ishte dita më e vështirë për lajmin. Deri këtë të hënë në mëngjes ishte shumë e thjeshtë të shkruaje lajm: Prisnin te dera derisa Sali Berisha të dilte për lajm. Deri dje dilte shtatë herë në ditë e bëheshin 70 lajme. Këta e quanin ‘kryetar i PD’, dhe mashtronin si ai. Tani, që sot e tutje, Sali Berisha nuk bën dot lajm. Pa Berishën nuk e bën ‘vezën’ as Meta. Ky ka për të bërë edhe lajmin e fundit, siç e bëri Berisha si ‘kryetar’: Ose nga SPAK, ose nga Perëndimi si ‘non- grata’.

I vetmi që do të dalë nga burgu, do të jetë lajmi i vërtetë./Fjala.al

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06