POP 5

Lajmet më të lexuara të 5 minutave të fundit

Kronikë

Frroku: Pasurinë e kam vënë
me djersë, paguaj 6 mln $ taksa

Pak ditë nga nisja e hetimit të pasurisë ka reaguar ish deputeti Mark Frroku i cili për ReportTv deklaron se paratë i ka fituar me punë të ndershme dhe ka paguar në shtet 6 milionë dollar taksa. Këtë reagim ai e bëri nga Gjykata e Lartë e cila këtë të hënë vendosi të pezullojë gjykimin ku Frroku, Tom Doshi e Durim Bami gjykohen për kallëzim të rremë.
VIDEO
Frroku: Pasurinë e kam vënë<br />me djersë, paguaj 6 mln $ taksa
TIRANE - "Pasurinë e kam vënë me djersë, i kam paguar shtetit 6 milionë dollarë taksa". Kështu u shpreh deputeti i dorëhequr Mark Frroku, i pyetur nga Report TV për hetimin pasuror që Prokuroria ka nisur ndaj tij për fshehjen e 2 milionë dollarë dhe pastrimit të parave.
 
Frroku ishte i pranishëm këtë të hënë në Gjykatën e Lartë ku së bashku me deputetin e Shkodrës Tom Doshi dhe Durim Bamin nga Fushë-Kruja akuzohen për kallëzim të rremë dhe inskenim të atentatit ndaj deputetit Doshi, vrasje e pretenduar prej tyre se do të kryhej me urdhër të kryeparlamentarit Ilir Meta.
 
Në seancën e parë për këtë akuzë, ku Doshi e Bami janë hetuar në masën e sigurisë "arrest shtëpie", avokati Ilir Murati që mbron Bamin dhe Tonin Prendi mbrojtës i Frrokut, kërkuan që dy klientët e tyre të gjykohen në çështje të ndarë nga Doshi, pasi asnjëri nga ta nuk gëzon mandat deputeti. Në këto kushte, Kolegji penal i Gjykatës së Lartë vendosi të pezullojë çështjen ndaj tyre dhe t'ia çojë për interpretim Gjykatës Kushtetuese. Do të jetë kushtetuesja e cila do të vendosë nëse Frroku dhe Bami do të gjykohen në Gjykatën e Tiranës apo në të Lartën bashkë me deputetin Doshi.
 
Mark Frroku hoqi dorë nga mandati pak ditë më parë ku e quajti veten "kurban të dekriminalizimit". Ai ndodhet në paraburgim në masë sigurie "arrest me burg" për akuzën e vrasjes së një shqiptari në vitin 1999 në Bruksel, të fshehjes së pasurisë dhe pastrimit të parave.
 
Prokurorët Adnand Xholi dhe Altin Binaj kërkuan që ky gjykim të bëhet nga gjykata e lartë pasi veçimi i dosjes do të krijonte probleme duke prishur hetimet. Por kjo kërkesë u kundërshtua nga avokatët mbrojtës të Mark Frrokut e Durim Bamit të cilët u shprehen se klientët e tyre janë pa status në këtë gjykim dhe një vendim i gjykatës së lartë do t'i humbte atyre të drejtën e ankimit. Për deputetët është Gjykata e Lartë që i gjykon, e në rast ankimimi ata mund t'i drejtohen Gjykatës Kushtetuese.

Kjo ishte seanca e parë që Gjykata e lartë mbajti për Tom Doshin, ish-deputetin Mark Frroku dhe Durim Bamin, pasi seanca u shkuar u shty për shkak të mungesës së Frrokut.

Redaksia Online
(Gre.M/Shqiptarja.com)
 

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

FOTO/ Pamjet në Zelandën e Re mahnitin botën, spektakël dritash në qiej

FOTO/ Pamjet në Zelandën e Re mahnitin botën, spektakël dritash në qiej

29 Mars, 14:38