Fshehu dënimin, Prokuroria: T'i
hiqet mandati Vladimir Kostës
Vendimi i dënimit për deputetin Kosta

Nuk deklaroi në formular dënimin e 17 viteve më parë Prokuroria e Përgjithshme kërkon heqjen e mandati për deputetin Socialist Vladimir Kosta.
 
Sipas kërkesës së akuzës depozituar në Komisionin Qendror të Zgjedhjeve deputeti Kosta rezulton i dënuar në vitin 2000 për armëmbajtje pa leje me një gjobë prej 10.000 lekësh.
Sic dhe shihni në formularin e depozituar nga z.Kosta në pjesën e dënimeve nga drejtësia nuk ka asnjë vendim të plotësuar.
 
Prokuroria sqaron se ky verifikim ka nisur me gjetjen e vendimit pas informacioneve të mbërritura në njësinë e dekriminalizimit seKosta ka qenë person i arrestuar për armëmbajtje në vitin 2000.
 
Informacioni është verifikuar dhe ka rezultuar i vërtet, e pas kësaj kjo njësi ka depozituar këtë të enjte në KQZ kërkesën për heqje mandati.
 
Kjo nuk është hera e parë kur prokuroria kërkon heqje mandati për zyrtarë të lartë për efekt të ligjit të dekriminalzimit pasi nga ky ligj janë prekur deputetet e të zgjedhur lokal si në rastin e Dashamir Tahirit, Elvis Roshit dhe Shkëlqim Selamit.
 
Në njësin e dekriminalzimit aktualisht janë duke u verifikuar dhe 12 deputet të këtij parlamenti dhe 100 zyrtarë të lartë përfshi dhe drejtues të pushtetit lokal.
 
Vladimir Kosta rezulton se është zgjedhur në vitin 2013 deputet në qytetin e Përmetit në siglën e partisë socialiste.

Vendimi i denimit per deputetin Kosta në vitin 2000, qe nuk eshte deklaruar ne formularin e dekriminalizimit

TAG:
• kqz