TIRANË- Report Tv raportoi skandalin në zgjedhjet për kreun e ri të FSHF-së, por e vërteta ka një kosto. Armand Duka nuk e ka vonuar hakmarrjen duke refuzuar akreditimin e Report Tv për ndeshjet e Kombëtares, duke bërë një akt censure kundër një media të pavarur.
Hyrja në tribunën e shtypit realizuar në stadiumin e ri “Air Albania” sipas standarteve të fiksuara nga Uefa, është një parim i respektuar në të gjithë stadiumet e botës. Gazetarët nuk kërkojnë akteditim në tribunën e shtypit si tifozë, por si operatorë të informacionit që duhet të informojnë tifozët dhe opinionin publik mbi ndeshjet që luhen. Kjo e drejtë iu është mohuar gazetarëve të Report Tv
Siç ndodh gjithnjë, në çdo ndeshje të kuqezinjve, gazetari i Report Tv ka dërguar e-mailin për t’u akredituar në miqësoren e Shqipërisë me Gjeorgjinë dhe përgjigja ka qenë thjesht një njoftim se akreditimi është refuzuar. Arsyeja? Drejtori i Komunikimit, Andi Verçani, me arrogancën që i jep pushteti, nuk e ka marrë mundimin që të jap as edhe një arsye mbi motivet e këtij refuzimi. Një vendim krejtësisht jashtë çdo rregulli dhe logjike, e ku tregon fare qartë se Armand Duka trajton ndeshjet e kombëtares dhe stadiumin ‘Air Albania’ si pronë e tij e që mund të bëjë ç’të dojë.
Kjo nuk është hera e parë, që FSHF-ja e Armand Dukës ka censuruar Report Tv. Një gjë të tillë e bëri edhe në procesin e manipuluar zgjedhor për kreun e ri të Federatës Shqiptare në 15 mars, por edhe në ndeshjen e U-21 të kuqezinjve kundër Çekisë në Elbasan 3 ditë më parë, ku gazetarit të Report Tv, iu kthye sërish e njëjta përgjigje “Kërkesa juaj për akreditim është refuzuar”, pa asnjë argument.
Kjo bie ndesh edhe me deklaratat e kreut të pezulluar të FSHF-së Armand Duka, i cili pasi u rizgjodh deklaroi se një nga pikat e programit është përmirësimi i marrëdhënieve me mediat. Ky akt çensure ka një precedent të famshëm në vitet kur Sali Berisha refuzonte akreditimin e gazetarëve tanë për të ndjekur konferencat e tij për shtyp. Armando Duka kopjon Berishën duke përdorur stadiumin si të ishte shtëpia e tij.
Dokumenti që vërteton aplikimin e gazetarit të Report Tv për ndeshjen Shqipëri-Gjeorgji
Përgjigja e FSHF-së
Shoqata e Gazetarëve Europian shpreh shqetësimin në lidhje me vendimin e sotëm të FSHF-së për të refuzuar akreditimin e Report Tv për ndeshjen Shqipëri-Gjeorgji. Në reagimin e tyre, ato i bëjnë thirrje FSHF të që ndryshojë vendimin, duke theksuar Federata ka detyrimin që të respektojë median në ushtrimin e detyrës për të raportuar në çdo aktivitet.
"Shoqata e Gazetarëve Europian, Dega Shqipëri, shpreh shqetësimin në lidhje me vendimin e sotëm të FSHF-së për të mos akredituar televizionin Report TV për të ndjekur dhe raportuar në lidhje me ndeshjen miqësore të futbollit Shqipëri- Gjeorgji.
Mediat kanë të drejtën e tyre për të raportuar në lidhje me çdo aktivitet sportiv, kulturor apo politik qoftë, për t’i ofruar publikun të vërtetën që shpesh, pa praninë e medias mbetet e pazbuluar. FSHF ka detyrimin që të respektoj median në ushtrimin e detyrës për të raportuar. AEJ dega Shqipëri, do të njoftoj dhe platformat europiane për këtë ngjarje të rëndë që cenon hapur lirinë e medias në vend.Ndërsa apelon ndaj FShF, që të lejoj median Report TV të raportoj për ndjeshjen dhe eventet e tjera", thuhet në reagim.
Këshilli Shqiptar i Medias ka reaguar kundër vendimit të Federatës Shqiptare të Futbollit, që vendosi të mos akreditojë Report Tv në miqësohen e Shqipërisë me Gjeorgjinë. Në mesazhin e tyre, KSHM i bën thirrje FSHF që të tërhiqet nga ky vendim që e quan anti-demokratik.
“Këshilli Shqiptar i Medias shpreh shqetësimin e vet për mos-akreditimin e medias Report TV për të ndjekur e raportuar ndeshjen e radhës së Kombëtares shqiptare. Detyra e medias është të raportojë, ndër të tjera dhe eventet me interes të lartë publik dhe lejimi i aksesit është e drejtë parësore e cila duhet respektuar pavarësisht politikave editoriale të çdo medieje. Shqipëria ka plot shembuj negativë të listave të “zeza” të mediave ose gazetarëve që u mohohet aksesi për të raportuar, që nga Qeveria, Bashkitë e deri te Partitë politike. KSHM fton FSHF-në që të mos e aplikojë këtë metodë anti-demokratike dhe të dëshmojë që është një institucion modern me standarte perëndimore”, shkruhet në reagim.
Lajme të tjera
-
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Dhunë në futbollin e femrave, Disiplina pezullon 15 ndeshje drejtoreshën e Gramshit, goditi lojtaret e Partizanit
19 Dhjetor, 18:11 -
'Klanet, korrupsioni dhe arroganca e organizatorëve!', Barrikada FC tërhiqet nga çdo garë e FSHF dhe Sunday League Albania
18 Dhjetor, 14:52 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
Bëma nga Kategoria e Tretë, miqtë braktisin ndeshjen dhe gjithë ekipi ndëshkohet me karton të verdhë
15 Dhjetor, 16:41 -
Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit
14 Dhjetor, 21:08
