POP 5

Lajmet më të lexuara të 5 minutave të fundit

Sport

FSHF kërkesë IKMT-së të lirojë ambientet rreth stadiumit 'Air Albania' të zëna nga bizneset: Ka humbur funksionin kryesor

FSHF i ka bërë kërkesë IKMT-së të lirojë ambientet rreth stadiumit 'Air Albania' të zëna nga bizneset. Sipas tyre, stadiumi ka humbur funksionin kryesor. Kjo kërkesë vjen pak para ndeshjes me Anglinë.

TIRANË- Zgjermi i bizneseve pranë stadiumit ‘Air Albania’ është kthyer në një shqetësim për UEFA-n. Kjo e fundit ka kërkuar nga Federata Shqiptare e Futbollit që të lirojë ambientet rreth e qark impiantit, pasi në të kundërt rrezikohet ndeshja me Anglinë, që luhet me 28 mars për kualifikueset e Botërorit.

Për pasojë FSHF me anë të një letre i ka kërkuar IKMT-së që të lirojë hapësirat, duke qenë se zgjerimi pa kriter i bizneseve i ka humbur qëllimin kryesor stadiumit, që është organizimi i një ndeshje futbolli. Për këtë situatë FSHF ka vënë në dijeni si kryeministrin Rama ashtu edhe kryebashkiakun Erion Veliaj.

FSHF në letrën e saj përpiqet të saktësojë se bizneset kanë jetësuar stadiumin, por zgjerimi pa kriter i ka zbehur qëllimin.

Report TV ka siguruar dokumentin dërguar kreut të IKMT-së Dallandyshe Bicit, kryeministrit Edi Rama dhe kryebashkiakut Erion Veliaj, në të cilën edhe ilustrohen me foto zonat më problematike të stadiumit.

"Gjithsesi, me shqetësim kemi konstatuar se zgjerimi i pazakontë i bizneseve në perimetrin e stadiumit ‘Air Albania’, çdo ditë e më shumë po shndërrohet në një problematikë që del përtej zhvillimit të një biznesi, e duke u kthyer në një element penalizues dhe bllokues për funksionin bazë të këtij impianti, organizimin e ndeshjeve të futbollit.

Operatorë të ndryshëm bar-kafe kanë avancuar me ngritjen e strukturave permanente prej hekuri dhe betoni në trotuaret e stadiumit, duke cenuar seriozisht standardet e sigurisë për organizimin e ndeshjeve ndërkombëtare, por në fakt, elemente themelore sigurie për çdo organizim ndeshjeje të çdo natyre", thuhet në dokument. 

 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tifozet Kuqezi: 18/03/2021 10:09

    O Duka o hajdut ti vete ke thene se stadiumi i ri nuk do te jete vetem per futboll

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi