POP 5

Lajmet më të lexuara të 5 minutave të fundit

Ekonomi

Fullani: Norma bazë e interesit
në nivelin më të ulët historik, 3%

Lajmin e bëri të ditur Guvernatori i Bankës së Shqipërisë i cili e ka cilësuar si një politikë lehtësuese, gjatë prezantimit të raportit mujor të politikës monetare.
Fullani: Norma bazë e interesit<br />në nivelin më të ulët historik, 3%
TIRANE- Këshilli Mbikqyrës i Bankës së Shqipërisë ka vendosur që të ulë sërish normën bazë të interesit me 0.25 pikë përqindje. Kjo ulje vjen vetëm 20 ditë pas uljes së bërë në 27 nëntor të këtij viti, kur norma e interesit shkoi në nivelin 3.25%.

Me uljen e sotme, Guvernatori i Bankës së Shqipërisë, Ardian Fullani ka deklaruar se, aktualisht norma i interesit, shënon nivelin më të ulët historik, në 3%.
 
Guvernatori Fullani, tha se kjo politikë lëhtësuese e Bankës së Shqipërisë ndihet për arsye se rritja ekonomike pritet të jetë e dobët edhe gjatë vitit të ardhshëm.
 
“Banka e Shqipërisë ul me 0.25 pikë përqindje normën bazë të interesit duke e zbritur në 3 %. Kjo është ulja e dytë, pas uljes së muajit të kaluar. Kërkesa agregate dhe rritja ekonomike parashikohet të mbeten nën potencial, po kështu operacionet inftacioniste, presionet e tyre nga tregu pritet të jenë në rënie. Lehtesimi i politikës monetare synon të mbështese kërkesën agregate nëpërmjet kushtetve të financimit. Ecuria e sektorit të jashtëm të ekonomisë tregon për dobësimin e kontributit të kërkesës së huaj në rritjen e kërkesës agregate. Po kështu, vihet re rënie e presioneve inflacioniste në ekonomi.

Importet kanë rënë me 0.3 %. Kontributi i sektorit publik, i cili mbështeti rritjen ekonomike të kërkesës agregate në gjashtë muajt e parë të vitit, ka shënuar dobësim. shpenzimet buxhetore u rritën me 7.1%, krahasur me vitin e kaluar. Të ardhurat fiskale kane reflketuar dobësimin e aktiviteteve ekonomike. Po kështu, deficiti buxhetor ka filluar të rritet, deri në tetor ka qenë 2 herë më i lartë se një vit më parë. Duke u nisur nga shkalla e lartë e borxhit, paraqiten vështirësi dhe duhen marrë masa”, u shpreh Guvernatori Fullani.

FULLANI: NEVOJITEN MASA PËR KORREKTIM FISKAL
Kreu i Bankës së Shqipërisë tha se nevojiten masa për korrektim fiskal, ndërsa theksoi se ulja e normës bazë të interesit krijon kushte më të përshtatshme për zhvillimin e ekonomisë dhe për uljen e inflacionit. Sipas Fullanit, luhatjet e rritjeve të vitit të fundit, ka ardhur si pasojë e luhatjeve të investimeve, të cilat janë kushtëzuar nga pasiguria e lartë dhe nga kreditimi i ulët. Sipas Guvernatorit të Bankës së Shqipërisë, edhe inflacioni shënoi nivelin 1% për muajin nëntor.
 
“Duhen masa për korretim fiskal. Konsumi dhe investimet private mbeten të dobëta, po kështu edhe besimi i ulët konsumator. Ka burime të kufizuara të investimit. Banka e Shqipërisë forcoi lehtësimin monetar. Sinjalet e politikës monetare janë përcjellëse të pjesës më të madhe të zhvillimeve. Normat e interesit në tregun ndërbankar dhe normat e interesit në depozita kanë ndjekur prirjen rënëse, duke ndjekur linjën e uljes së normës bazë të interesit. Është përkeqësuar ecuria e kredisë në ekonomi. Projeksionet tona bazë për të ardhmen mbeten të pandryshuara. Rritja ekonomike pritet të jetë pozitive, por nën kushtet e ekonomisë. Rritja ekonomike do përcaktohet në masë të madhe nga ecuria e konsumit dhe investimeve në vend. Banka e Shqipërisë do vazhdojë të ruajë politikën e saj lehtësuese”, u shpreh Fullani.
 
Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04