POP 5

Lajmet më të lexuara të 5 minutave të fundit

Sport

Fundi i epokës Messi tek Barcelona, nga 35 trofetë e fituar tek 683 golat, presidenti Laporta: Divorci i pashmangshëm

Largimi i Leo Messit nga Barcelona klub ku kaloi 21 vite të karrierës së tij shënoi fundin e një epoke. Messi bëri historinë e katalanasve me 683 gola të shënuar dhe 35 tituj të fituar. Presidenti Joan Laporta ka sqaruar se për shkak të vështirësive financiare divorci ishte i pashmangshëm. E ardhmja e argjentinasit më shumë shihet tek PSG.

Lajmin e vitit ose pa mëdyshje mund të themi edhe lajmin e shekullit e dha të enjten në mbrëmje Barcelona kur njoftoi se kapiteni legjendar Lionel Messi do të largohej nga skuadra. Pas plot 21 vitesh të kaluara në klubin katalanas Messi dhe Barcelona i kanë dhënë duart njëri-tjetrit dhe kjo sipas komunikatës për arsye ekonomike dhe strukturore që e bënin të pamundur vijimin e bashkëpunimit.

Pas këtij lajmi shokues këtë të premte Presidenti i Barcelonës Joan Laporta doli në një konferencë për shtyp dhe dha më shumë detaje rreth divorcit të bujshëm: “ Nuk mund të vija në rrezik të ardhmen e klubit. Divorci ishte i pashmangshëm dhe zgjidhja e vetme pasi kemi borxhe dhe humbje të mëdha ekonomike”. Numri një i klubit katalanas dëshiroi të sqaronte se dëshira e Messit ishte të qëndronte dhe se lojtari ka propozime nga klube të tjera.

Rregullat për një tavan pagash nga La Liga sipas Laportës e bënin të pamundur rinovimin e Messit dhe thotë se Barcelona do fitojë edhe pa argjentinasin. Largimi i Messit nga Barcelona shënon edhe fundin e një epoke. “Pleshti” është lojtari që ka bërë historinë e klubit duke fituar 35 trofe përfshirë këtu 10 tituj kampion. 4 Champions League, 8 Superkupa Spanje e tre Europe, 7 Kupa Mbreti dhe tre Botërorë klubesh. Në 810 ndeshje që ka luajtur në total duke llogaritur edhe ato me Barcelonën B dhe C Messi ka shënuar 683 gola. Ylli argjentinas ka fituar edhe një mori titujsh individual ku spikasin 6 “ Topa të Artë”. El Clasicon Barcelona-Real Madrid askush nuk e ka luajtur më shumë se Messi 45 herë dhe askush më shumë se Leo nuk i ka shënuar Real Madridid 26 gola.

Pyetja që tani duan të gjithë të marrin një përgjigje është se ku do të shkojë Messi. Por edhe për pak kohë do të jetë e vështirë ta thuash me bindje. Francezët e PSG-së shihen si favoritë madje mediat zbulojnë se negociatat kanë nisur. Në garë mbetet edhe Manchester City i Pep Guardiolës por nuk përjashtohet edhe mundësia e vijimit të karrierës në Amerikë./Përgatiti Andi Kapxhiu

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06