Personalitetet e politikës kosovare por edhe ato ndërkombëtare, mbajtën fjalime përshëndetëse ndaj kësaj dite për Kosovën.
Në fjalën e saj, presidentja e Kosovës, Atifete Jahjaga, tha se vendimi i sotëm tregon se Kosova është përkushtuar ndaj detyrimeve në funksionimin e shtetit.
Nga ana tjetër ajo tha se do të dialogohet me qytetarët në veri të Kosovës “duke arritur mirëkuptimin se veprimi brenda institucioneve dhe qeverisja në nivel komunal do të jetë e suksesshme edhe në këtë pjesë të territorit, duke iu mundësuar qytetarëve që nëpërmjet zgjedhjeve të lira dhe të ndershme të zgjedhin përfaqësuesit dhe udhëheqësit e tyre legjitimë, që do të përfaqësojnë interesat e tyre".
Ndërkohë që si kontribut për stabilitetin e vendin, presidentja kosovare Jahjaga vlerësoi edhe normalizimin e plotë të marrëdhënieve ndërmjet Kosovës dhe Serbisë.
“Ne e kemi shprehur përkushtimin tonë që të zhvillojmë marrëdhënie si dy shtete sovrane dhe të pavarura. E respektojmë dhe e mirëpresim si tejet të nevojshme ndihmën e Bashkimit Evropian dhe të Shteteve të Bashkuara të Amerikës në këtë proces, sidomos në dialogun që po zhvillohet në Bruksel ndërmjet dy vendeve tona", tha ajo.
(Gre.M/Shqiptarja.com)
![](https://www.shqiptarja.com/template/img/sh_logo1.png)