SARANDË - Në pesë njësitë vendore të qarkut të Vlorës e majta do të jetë forcë fituese. Garancia për këtë është dhënë nga deputeti socialist, Koço Kokëdhima, gjatë fjalës së tij në çeljen zyrtare të fushatës nga Partia Socialiste në Sarandë.

Ai vlerësoi punën e aleatëve të koalicionit, ndërsa u shpreh me superelativa edhe për kryebashkiakun në ikje Stefan Çipa, i cili nga ana e tij shprehu bindjen se koalicioni i majtë do jetë sërish forcë fitues në këtë bashki.

E njëjta siguri për fitoren e 21 qershorit u shpreh edhe nga kandidatja e majtë Floriana Koka.

Në takim merrnin pjesë edhe aleatët e tjerë të koalicionit të majtë.

Redaksia Online
(o.b/ Shqiptarja.com)