POP 5

Lajmet më të lexuara të 5 minutave të fundit

Ekonomi

Fushata zgjedhore pengon
ekonominë,AKEP: Do të ndjekë tregun

Periudha parazgjedhore dhe prishja e koalicionit qeverisës mes PD dhe LSI sollën një ngadalësim të proceseve të punës në institucione që prej disa muajsh.
Fushata zgjedhore pengon<br />ekonominë,AKEP: Do të ndjekë tregun
TIRANE - Periudha parazgjedhore dhe prishja e koalicionit qeverisës mes PD dhe LSI sollën një ngadalësim të proceseve të punës në institucione që prej disa muajsh. Një nga shembujt ishte rregullimi i tregut të telekomunikacioneve, ku disa vendime të rëndësishme kanë ngelur pezull, në pritje të formimit të qeverisë së re dhe ndryshimeve në drejtimin e institucioneve.

Një dokument i rëndësishëm që pret miratimin është analiza e tregut të telefonisë fikse. Mes të tjerash, nga kjo analizë pritet të vendoset heqja e rregullimit të tregut me pakicë. Kjo do të thotë se Albtelecom do të lejohet t’i përcaktojë vetë tarifat e thirrjeve dhe atë të pajtimit mujor.

Por, heqja e rregullimit në nivel pakice do të shoqërohet paralelisht me masa për forcimin e konkurrencës, përmes uljes së tarifave me shumicë të Albtelecom. Kjo masë do ta bëjë tregun e telefonisë fikse më konkurrues dhe t’ju japë më shumë shanse operatorëve alternativë.

Që pas mundësimit të bartjes së numrit, konkurrenca në tregun e telefonisë fikse është ringjallur dhe operatorët alternativë po tentojnë të marrin abonentë nga operatori më i madh në treg. Ulja e përshkallëzuar e tarifave të interkoneksionit në rrjetin e Albtelecom pritet ta ashpërsojë akoma më shumë konkurrencën, në favor të shërbimeve më të favorshme dhe tarifave më të lira për konsumatorët.

Një tjetër çështje që AKEP pritet të ndjekë në vjeshtë është rregullimi i tregut të telefonisë celulare. Shkak është bërë hapja e hetimit nga Autoriteti i Konkurrencës për abuzim me pozitën dominuese,  ndaj kompanisë më të madhe në këtë treg.

AKEP do të vendosë një mekanizëm për të rregulluar disbalancën e thellë që ekziston mes tarifave të thirrjeve brenda rrjetit dhe atyre jashtë rrjetit. Sipas operatorëve të vegjël, kjo përfaqëson konkurrencë të pandershme nga operatorët me pjesë më të madhe në treg, për t’i mbajtur përdoruesit në rrjetet e tyre.

Shkrimi u botua sot në gazetën Shqiptarja.com (print) 29.06.2013
 
Redaksia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Në krye të Champions League dhe asnjë gol i pësuar, Inzaghi: Jemi për në finale, krenar për Interin

Në krye të Champions League dhe asnjë gol i pësuar, Inzaghi: Jemi për në finale, krenar për Interin

27 Nëntor, 10:43