POP 5

Lajmet më të lexuara të 5 minutave të fundit

Fusnin fara kanabisi nga Holanda në Shqipëri përmes Greqisë, GJKKO dënon me 13 vite e 6 muaj burg një prej kokave të grupit, Olgert Bamllari

Apeli ka konfirmuar dënimin me 13 vite e 6 muaj burg për një prej 'kokave' të grupit Olger Bamllari, i cili vijon të jetë në kërkim. Grupi është gjurmuar që prej dhjetorit të kaluar, ku pas arrestimit të Genci Bamllarit, xhaxhait të Olgerit,  anëtarët e bandës i tremben një arrestimi të mundshëm.

Fusnin fara kanabisi nga Holanda në Shqipëri përmes Greqisë, GJKKO dënon me 13 vite e 6 muaj burg një prej kokave të grupit, Olgert Bamllari

SPAK

2 javë më parë nën akuzën për trafikim të lëndëve narkotike dhe grup të strukturuar kriminal, Apeli i GJKKO ka lënë në fuqi vendimin e shkallës së parë dhe 15 të pandehurit e arrestuar në kuadër të operacionit 'Limit' janë lënë në burg.

Gazetari i Report Tv Arsen Rusta raporton se Apeli ka konfirmuar dënimin me 13 vite e 6 muaj burg për një prej 'kokave' të grupit Olger Bamllari, i cili vijon të jetë në kërkim. Grupi është gjurmuar që prej dhjetorit të kaluar, ku pas arrestimit të Genci Bamllarit, xhaxhait të Olgerit, anëtarët e bandës i tremben një arrestimi të mundshëm.

Në datë 5 janar 2019 Olger Bamllari zhvillon një bisedë telefonike me xhaxhanë e tij në burg Genci Bamllarin, i cili i shpjegon se si ishte arrestuar duke aluduar se mund të jetë spiunuar nga dikush. Personat e përfshirë në këto grupe kriminale, duket se përdornin një aplikacion për të shmangur përgjimin e bisedave të tyre.

Hetimet të shtrira në një periudhë 3-vjeçare (2016-2019) kanë zbuluar edhe skemën si funksionin këto grupe kriminale. Në Holandë sigurohej fara e kanabisit, më tej kalonte tranzit në Greqi, dhe me ardhjen në Shqipëri bëhej edhe përpunimi në laboratorë të posaçme për kultivimin e lëndëve narkotike. Më tej, droga trafikohej në Greqi, Turqi dhe shtete të tjera të Bashkimit Evropian, ku këto grupe kriminale kishin ngritur rrjetin e vet të shpërndarjes së lëndëve narkotike të llojit kanabis e kokainë.

Të gjithë të dënuarit

1. Sokol Nesimi dënohet 15 vite burg, me gjykim të shkurtuar do kryejë 10 vite burg, për veprën penale "Trafikimi i narkotikëve" mbetur në tentativë, kryer në bashkëpunim në kuadër të grupit të strukturuar kriminal, "Kryerja e veprave penale nga organizata kriminale dhe grupi i strukturuar kriminal.
2. Andrea Caca dënohet me 14 vite burg, me gjykim të shkurtuar do kryejë 9 vite e katër muaj, akuzohet për veprat penale “Trafikimi i narkotikeve" mbetur në tentativë, kryer ne bashkëpunim në kuadër të grupit të strukturuar kriminal "Kryerja e veprave penale nga organizata kriminale dhe grupi i strukturuar kriminal".
3. Besjan Zenel dënohet me 12 vite burg, me gjykim të shkurtuar do kryejë 8 vite, akuzohet për veprën penale "Trafikimi i narkotikeve" kryer në bashkëpunim në kuadër të grupit të strukturuar kriminal.
4. Bilbil Shqalshi dënohet me 12 vite burg, me gjykim të shkurtuar do të kryejë 8 vite, akuzohet për veprën penale "Grupi i strukturuar kriminal”.
5. Eljon Jaho dënohet me 12 vite burg, me gjykim të shkurtuar do kryejë 8 vite, akuzohet për veprën penale "Trafikimi i narkotikëve" mbetur në tentativë, kryer në bashkëpunim në kuadër të grupit të strukturuar kriminal.
6. Emiliano Kalemi dënohet me 12 vite burg, me gjykim të shkurtuar do të kryejë 8 vite, akuzohet për veprën penale "Trafikimi i narkotikëve" mbetur në tentativë, kryer në bashkëpunim në kuadër të grupit të strukturuar kriminal.
7. Enkelejdi Sadik dënohet me 12 vite burg, me gjykim të shkurtuar do të kryejë 8 vite, akuzohet për veprën penale "Trafikimi i narkotikeve", kryer në bashkëpunim në kuadër të grupit të strukturuar kriminal
8. Kristo Çobaj dënohet me 12 vite burg, me gjykim të shkurtuar do të kryejë 8 vite, akuzohet për veprën penale "Trafikimi i narkotikëve", kryer në bashkëpunim në kuadër të grupit të strukturuar kriminal.
9. Aleksander Pepi (alias Aleksandër Bani) dënohet me 12 vite burg, me gjykim të shkurtuar do të kryejë 8 vite, akuzohet për për veprën penale "Trafikimi i narkotikëve", mbetur në tentativë, kryer në bashkëpunim në kuadër të grupit te strukturuar kriminal
10. Festim Çorbaxhi (alias Bajraktari) dënohet me 12 vite burg, me gjykim të shkurtuar do të kryejë 8 vite, akuzohet për për veprën penale "Trafikimi i narkotikëve", mbetur në tentativë, kryer në bashkëpunim në kuadër të grupit te strukturuar kriminal.
11. Hysni Sadiku dënohet me 9 vite burg, me gjykim të shkurtuar do të kryejë 6 vite, akuzohet për për veprën penale "Trafikimi i narkotikëve", mbetur në tentativë, kryer në bashkëpunim në kuadër të grupit te strukturuar kriminal.
12. Bektash Zenel dënohet me 8 vite burg, me gjykim të shkurtuar do të kryejë 5 vite akuzohet për për veprën penale "Kultivimi i bimëve narkotikëve", kryer ne bashkëpunim në kuadër të grupit të strukturuar kriminal.
13. Gjergji Muke dënohet me 5 vite burg, me gjykim të shkurtuar do të kryejë 3 (tre) vjet e 4 (katër) muaj, akuzohet për veprën penale "Moskallezimi i krimit".
14. Romeo Tare dënohet me 5 vite burg, me gjykim të shkurtuar do të kryejë 3 (tre) vjet e 4 (katër) muaj, akuzohet për veprën penale "Moskallezimi i krimit".
15. Rexhep Ipek dënohet me 12 vite burg, nga gjykimi i shkurtuar do të kryejë 8 (tetë) vjet burgim, akuzohet për veprën penale "Grupi i strukturuar kriminal”.

Në kërkim
Olger Bamllari
Aldo Nesimi
Besjan Balca
Drini Balca
Kristo Ruçi
Gjergj Çollaku

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu