Henri Çinonso, sulmues i ekipit të Rumanisë, Delta Tulcea, ka ndërruar jetë gjatë një ndeshjeje miqësore kundër një ekipi lokal.

21- vjecari ka vdekur gjatë pjesës së dytë të lojës, pavarësisht përpjekjeve të mjekëve për ta shpëtuar.

Shkaku i vdekjes mësohet të ketë qenë një atak kardiak në zemër, pasi ndeshja po zhvillohej në një temparaturë prej 40 gradë celsius

Një tjetër ngjarje e rëndë ka prekur futbollin amerikan, pasi ka ndërruar jetë në moshën 22-vjeçare mesfushori i Columbus Crew, Kirk Urso.

Lajmin e bën të ditur shoqëria amerikane, pa dhënë detaje për shkaqet e vdekjes së futbollistit të ri.

Urso e nisi karrierën me Carolina Dynamo, për të vazhduar më pas me Chicago Fire e Columbus Crew. Urso ka qenë edhe pjesë e skuadrës amerikane të U-17.

Nga specialistët Urso shihej si një talent me të ardhme të ndritur në futboll.


(d.b/shqiptarja.com)