Fyle: Duhet gjithëpërfshirje, Kosova
duhet të ishte në Samitin e Ohrit

OHËR - Komisioneri për Zgjerim, Stefan Fyle, i cili po merr pjesë në takimin në nivel ministror të Procesit për Bashkëpunim të Evropës Juglindore nuk ka dashur të komentojë anulimin e samitit të presidentëve.
 
Nga Ohri, ku ka arritur mbrëmjen e djeshme, Fyle ka kërkuar megjithatë të respektohet parimi i gjithëpërfshirjes, siç ka qenë rasti i takimit të sotëm të krerëve të MPJ-ve.
 
“Për mua është shumë me rëndësi përfshirja në takim. Pra, kjo që ne ulemi të gjithë së bashku, përfshirë dhe Kosovën, si mike speciale”, ka theksuar Fyle.
 
Komisioneri ka folur para mediave për Marrëveshjen e 1 Marsit ndërmjet VMRO-së dhe LSDM, duke kërkuar nga këto dy të fundit të zbatojnë atë dhe t’u përgjigjen detyrave që kanë marrë.

Redaksia Online
(mag/shqiptarja.com)