Fyle: Kosova - krenare pë arritjet
vazhdoni negociatat për në BE

KOSOVE - Komisioneri për Zgjerimin i BE-së, Stefan Fyle, ka qënë sot në Kosovë ku është takuar me krerët e qeverisë lidhur me Marrëveshjen e Stabilizim-Asociimit.  Paraprakisht me kryeministrin Thaçi e më pas, në Kuvendin e Kosovës, ai e ka vlerësuar punën e qeverisë kosovare në përmbushjen e kushteve për MSA-në dhe tha se siç është nisur mbarë, shpreson "që pranverën e ardhshme, negociatat mund të përmbyllen. Pse jo?!”  

Po sot, në orën 16:30, Stefan Fyle ka mbajtur një fjalim në një seancë speciale në Kuvendin e Kosovës. Ai ka riktheksuar zhvillimet pozitive të Kosovës dhe hapat e ndëmarrë prej saj për përmbushjen e kushteve për MSA-në.  "Unë shpresoj që të bashkëpunojmë sëbashku edhe më tutje e të mbështetemi tek njeri tjetri në përmbushjen e axhendës së reformave për të ardhmen evropiane dhe Kosova të përmbushë kushtet për MSA-në që të marrë vendin e merituar në familjen evropiane,"- theksoi ai.
 
 ORA 14:30 FYLE DHE THAÇI NE KONFERENCE SHTYPI

Gjatë një konference të përbashkët për shtyp me kryeministrin Thaçi, komisioneri për Zgjerimin në BE, Stefan Fyle, tha: “Kam ardhur sërish këtu për të shënuar negociatat për MSA-në e Kosovës dhe ky është një hap i madh. Kosova mund të jetë krenare për arritjet e saj. Ju keni arritur një komunikim mbresëlënës në marrëdhëniet me Serbinë.
 
Fillimi i marrëdhënieve me BE-në është shpërblim i merituar. Të gjitha shtetet evropiane janë të bashkuara në vlerësimin e punës suaj. Ju keni arritur t’i përmbushni këto.
 
Bashkëpunimi sapo ka nisur dhe tani duhet të nisin negociatat. Po e përgatisim marrëveshjen dhe pas verës do të fillojmë ta diskutojmë. Me përkushtimin tuaj dhe tonin do ta bëjmë të mundur që të përfundojmë negociatat tona deri në pranverën e ardhshme, pse jo,”- përfundoi Komisioneri për Zgjerimin.
 Redaksia online
(ar.sh/shqiptarja.com)