Fyle sot në Beograd, nesër në
Prishtinë për "Marrëveshjen"

PRISHTINË - BEOGRAD - Komisioneri për Zgjerim i BE-së, Stefan Fyle nis sot vizitën në Beograd në kuadër të së cilës do të takojë dhe bisedojë mekrerët e shtetit mbi hapat e ardhshëm të Serbisë në rrugën drejtë BE-së dhe zbatimin e marrëveshjes së Brukselit me Prishtinën. Ndërkaq, nesër Fyle do të vizitojë edhe Prishtinën, bëjnë të ditur mediat në Kosovë.

Fyle pritet të bisedojë me presidentin e Serbisë, me qeverinë dhe anëtarët e parlamentit mbi situatën aktuale dhe hapat e ardhshëm lidhur me fazën e re në të cilën po hyn Serbia në negociatat për përafrim me BE dhe vendimin e Këshillit të Evropës prej 28 qershorit mbi hapjen e negociatave.

Stefan Fyle po ashtu pritet të prezantojë në Beograd strukturat e domosdoshme, që duhet të ketë vendi për procesin e negociatave dhe do të parapërcaktojë prioritetet për axhendën evropiane të Serbisë – vazhdimin e reformave, zbatimin e Marrëveshjes së Brukselit me Prishtinën, rolin rëndësishëm në rajon dhe promovimin e pajtimit.

Vizita e komisionerit të BE do të jetë simbolikisht hyrje në fillimin e analizës krahasuese të harmonizimit të dispozitave të Serbisë me virtytet juridike të BE, të ashtuquajturin skrining, që formalisht do të nisë në shtator ose tetor.

Me të në Beograd arrijnë edhe misioni teknik i Komisionit Evropian (KE), i cili të enjten, kur Fyle do t'u drejtohet ligjvënësve serbë, të gjithë sekretarëve të shtetit dhe ekspertëve për integrime evropiane do t’u japë direktivat e para për hartimin e strukturës negociatore.

Të enjten Fyle pritet të vizitojë edhe Prishtinën, ku do të takohet me përfaqësuesit më të lartë shtetërorë, por gjithashtu me një fjalë rasti do t'u drejtohet edhe deputetëve të Kuvendit të Kosovës.

Redaksia Online
(mag/shqiptarja.com)