POP 5

Lajmet më të lexuara të 5 minutave të fundit

Kronikë

Gërdeci, lirohet Ylli Pinari
vetëm dy ende prapa hekurave

Ylli Pinari njëri nga të dënuarit nga gjykata e Tiranës për tragjedinë e Gërdecit, ka dalë nga burgu duke fituar lirinë me kusht.
TIRANE- Ylli Pinari njëri nga të dënuarit nga gjykata e Tiranës për tragjedinë e Gërdecit, ka dalë nga burgu duke fituar lirinë me kusht.

Vendimi është marrë dje në mesditë nga gjyqtari Petrit Çomo, i cili vendosi ti pezullojë dënimin e mbetur prej dy vjet e tre muaj e 5 ditë burg Ylli Pinarit, duke e vendosur këtë të fundit me shërbim prove prej 3 vjetësh.

Në vendimin e saj gjykata shprehet se: ”Urdhërohet pezullimi i pjesës të mbetur pa vuajtur të dënimit prej 2 vjet e 3 muaj e 5 ditë burgim, për një kohë prove prej 3 vjetësh, me kusht që gjatë kësaj kohe i dënuari mos të kryejë vepër tjetër penale.

Në aplikim të neneve 60/1 e 61 të Kodit Penal detyrohet i dënuari Ylli Pinari, që gjatë kohës së provës të ushtrojë një veprimtari profesionale, si dhe të mbajë kontakte më shërbimin e provës. Urdhërohet lirimi i menjëhershëm i të denuarit Ylli Pinari nga IEVP “Ali Demi” (Burgu 325), Tiranë, në qoftëse nuk mbahet i ndaluar, i arrestuar, apo i dënuar për ndonjë vepër tjetër penale”. Ylli Pinari kishte dorëzuar kërkesën në fund të 2013-s.

Në vendimin e marrë dje ka ndikuar edhe sëmundja e të ëmës së Pinarit. Më 13 shkurt 2013 Gjykata e Apelit e Tiranës dha vendimin përfundimtar duke e dënuar me 15 vjet burg Ylli Pinarin. Një pjesë e këtij dënimi ishte kryer gjatë qëndrimit në burg dhe në masën e arrestit shtëpiak, që gjykata e Tiranës kishte caktuar për ish-drejtorin e MEICO Ylli Pinari. Duke përllogaritur këto ditë Ylli Pinarit i ngeleshin pa kryer edhe 2 vjet e 3 muaj burg.

Pinari ka marrë 1 herë ulje dënime. Kërkesa ishte depozituar në datën 13 dhjetor 2013 dhe mbante numrin 1934. Për tragjedinë e Gërdecit ishin 29 të pandehur, ndërsa përgjegjësit kryesorë ishin ish-drejtori I fabrikës së demontimit të armëve në Gërdec, "AlbaDemil", Mihal Delijorgji, Dritan Minxholli, administrator i fabrikës "Albademil" dhe Ylli Pinari ish-kreu i  ndërmarjes MEICO-s.

Shkrimi u publikua sot (04.03.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Eduard Zaloshnja: Rama synon 1 milion vota gjithësej dhe 84 mandate për PS-në, por…

Eduard Zaloshnja: Rama synon 1 milion vota gjithësej dhe 84 mandate për PS-në, por…

10 Janar, 09:40 nga Eduard Zaloshnja