Një shqiptar është dënuar me 18 muaj burg në Angli, pasi u kap ne kanabis me një vlerë që shkonte deri në 85.000 paund. Altin Boriçi, 38-vjeç, banor në Birmingam, tha se vendimi për të qenë një korrier droge ishte një nga ‘gabimet më të mëdha të jetës së tij’.
Ai pranoi se ishte i përfshirë në shpërndarjen e kanabisit në Abington më 3 mars. Oficerët e policisë që ndaluan makinën e tij gjetën 25 kilogramë drogë të klasit B. Babai i dy fëmijëve, pretendoi se ai ishte paguar 1250 £ si korrier. Ai është shprehur i penduar për shpërndarjen e drogës.
Avokati mbrojtës Abdullah Hamid tha se shqiptari u largua nga atdheu i tij gjatë një lufte civile në 1999 dhe u bë shtetas britanik.
Hamid i tha gjykatës: Ai është një pastrues dritaresh i vetëpunësuar dhe gjatë pandemisë humbi punën e tij. Si rezultat, familja e tij ishte në vështirësi financiare. Një mik e prezantoi atë me një individ dhe u ra dakord që do t'i jepeshin 50 £ për kilogram për të transportuar drogën në Skoci. Ai ishte i dëshpëruar për shkak të gjendjes financiare të familjes së tij. Ka qenë ndoshta një nga gabimet më të mëdha që ka bërë në jetën e tij, pasi thotë se ka zhgënjyer familjen e tij.
T ishte kap ne shqiperi do kishte ber 4vjet edhe do jepte dhe 50000euro
Përgjigju