POP 5

Lajmet më të lexuara të 5 minutave të fundit

Politikë

Gafë në administratën e KQZ 
Shqipëria bëhet me 220 parti

Shorti pë ekspertët kontabël çorodit KQZ, mbledhja shtyhet 2 orë. Institucioni që pas një vitit do të ketë nën administrim votat e shqiptarëve nuk arriti që të llogariste dot dje numrin e partive politike në vend. 
TIRANE- Institucioni që pas një vitit do të ketë nën administrim votat e shqiptarëve nuk arriti që të llogariste dot dje numrin e partive politike në vend. Gjatë mbledhjes së djeshme të Komisionit Qendror të Zgjedhjeve ku do të përcaktoheshin ekspertët kontabël për të audituar partitë politike, administrata e KQZ-së bëri një përllogaritje të gabuar të partive politike gjë e cila çoi në shtyrjen e mbledhjes për disa orë.

Procedura
Sipas procedurës ishin 22 ekspert kontabël të cilat do të auditonin 124 parti politike. Për të përzgjedhur ekspertin dhe partitë do të hidhej shorti, ku një ekspert do të auditonte 6 subjekte politike. Por administrata në përllogaritjen e saj përcaktoi që një ekspert kontabël të auditonte 10 parti politike duke e bërë vendin me 220 parti. Pavarësisht se Shqipëria njihet për një numër të lartë të forcave politike, administrata e KQZ-së e nxorri vendin me një numër rekord botëror për frymë. Gabimi i bërë u konstatua në fund të shortit pasi u duk qartë se numrat nuk përputheshin. Kësisoj kryetarja e Komisionit Qendror të Zgjedhjeve ndërpreu mbledhjen dhe e irrituar e shty atë me 1 orë e 30 minuta që goglat e shortit të ribëheshin nga e para dhe procedura të niste sërish.

Zgjedhjet
Kur jemi rreth 1 vit larg nga zgjedhjet vendore, kryetarja e Komisionit Qendror të Zgjedhjeve, Lefterije Lleshi kërkoi nga partitë politike që të bëjnë amendamente në Kodin Zgjedhor në mënyrë që disa subjekte politike që kanë pushuar së ekzistuari të hiqen nga gara elektorale si edhe të vendosen kritere për përcaktimin e numrit të partive. Në fund të mbledhjes së djeshme, kreu i institucionit theksoi se nga 124 parti politike vetëm pak prej tyre janë funksionale në vend dhe për rrjedhojë duhen amenduar në Kod. “Ka parti politike që nuk ekzistojnë fare dhe për këtë është mirë që të bëhen amendamente në Kodin Zgjedhor pasi disa subjekte zgjedhore nuk janë inekzistente dhe ne duhet që t’i bëjmë auditimin”,- tha kryetarja e KQZ-së.

Shkrimi u publikua sot 1 maj 2014 në gazetën Shqiptarja.com (print)

Redaksia online
(d.a/shqiptarja.com) 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44