Gara elektorale e 18 qershorit
kandidatët në sitën e dekriminalizimit

Pas publikimit zyrtar nga selitë politike dhe dorëzimit të listave në komisionin qendror të zgjedhjeve të gjithë kandidatët për deputet në garë për zgjedhjet e 18 qershorit do ti nënshtrohen ligjit të dekriminalizimit.
 
Prokuroria e përgjithshme e kontaktuar nga ReportTv sqaroi se aktualisht stafi i njësisë së dekriminalizimit është në pritje të çdo kërkesë që do të paraqitet pranë tyre për verifikim të thelluar nga KQZ-ja e cila ka tagrin për të bërë kontrollin paraprak.

Zyra e shtypit po ashtu sqaroi se çdo informacion që do të përcillet nga qytetarët që kanë dijeni për të shkuarën e kandidatëve në garë do të trajtohet maksimalisht dhe brenda një periudhe të shkurtët do kryhen verifikimet përkatëse nëse preken apo jo nga ligji i dekriminalizimit.
 
Sipas ligjit 138/2015 për garantimin dhe integritetin e funksionarëve publik dhe personave të zgjedhur KQZ do të kërkoj nga zyra e gjendjes civile dhe ajo e gjendjes gjyqësore nga e Marta të gjitha të dhënat që ka për kandidatët e prezantuar.
 
Në sitë pritet të kalojë dhe e shkuara e kandidatëve jashtë vendit nëse ata janë përfshirë apo jo në veprimtari kriminale apo shkelje ligjore.
 
Aktualisht në sektorin e Dekriminalizimit janë atashuar një staf prej 8 hetuesish dhe kjo njësi prej krijimit të saj drejtohet nga prokurorja Rovena Gashi.
 
Redaksia Online
B.B/Shqiptarja.com

TAG:
• kqz