Mbyllet sot afati 7 ditor për aplikim për garën e postit të drejtorit të përgjithshëm të Policisë së Shtetit, e thirrur pas dorëheqjes së ish-kryepolicit Ilir Proda, 1 ditë pas protestës së PD, kur u sulmua me molotov “Vila 31” në ish-Bllok.

Mësohet se deri më tani janë paraqitur 14 aplikime. Mes kandidatëve janë drejtori aktual i Policisë së Vlorës, Elidon Çela, drejtuesi në qarkun e Fierit, Skënder Hita, drejtori për Marrëdhëniet Ndërkombëtare në Drejtorinë e Përgjithshme, Pëllumb Seferi. Mes aplikimeve janë edhe 2 ish-drejtorët e Policisë së Tiranës, Tonin Vocaj dhe Lorenc Panganika, drejtori i Durrësit, Afrim Tafa, Idajet Faskaj, Aranit Vrapi dhe Gentian Shehaj. Në garë për kreun e Policisë së Shtetit është edhe kreu drejtori i Policisë Kriminale, Neritan Nallbati.

Çdo kandidat tjetër ka kohë deri në mesnatën 11 marsit për të dorëzuar dokumentacionin përmes emailit.

Pas përfundimit të afatit të aplikimeve, Ministria e Brendshme publikon në faqen zyrtare emrat e kandidatëve. Brenda 10 ditëve, një Komision i Posaçëm i përbërë nga 3 persona, me kryetar një zëvendësministër i Brendshëm, dhe 2 anëtarët, sekretari i përgjithshëm i këtij dikasteri dhe kreu i Agjencisë së Mbikëqyrjes Policore, kryen vlerësim paraprak për verifikimin e kushteve ligjore.

Aplikimet e dorëzuara deri më tani
1. Pëllumb Seferi
2. Elidon Çela
6. Lorenc Panganika
7. Afrim Tafa
8. Neritan Nallbati
9. Idajet Faskaj
11. Tonin Vocaj