POP 5

Lajmet më të lexuara të 5 minutave të fundit

Sport

Gara për ‘Topin e Artë’, Luka Modriç është favoriti kryesor

Fituesi për këtë vit i “Topit të Artë” duket se do të vendoset nga suksesi në Kupën e Botës dhe njeriu i momentin në Rusi është Luka Modriç. Kapiteni i Kroacisë po bën një Botëror fantastik dhe momentalisht kryeson garën për të fituar “Topin e Artë”.
Gara për ‘Topin e Artë’, Luka Modriç është favoriti kryesor

Luka Modriç

Luka Modric është njeriu i momentit në Rusi dhe është aktualisht lojtari me më shumë kredenciale për të fituar “Topin e Artë”. Pas ndeshjes së fazës së 1/8 ndaj Danimarkës në vendin e tij në Kroaci filluan që të shpallnin kandidaturën e mesfushorit të Real Madrid për të fituar “Topin e Artë”, çmimin prestigjioz individual që gjatë dekadës së fundit ka qenë pronë i Messit e Ronaldos.

Por pas paraqitjes së shkëlqyer të bërë ndaj Rusisë, kandidatura e tij ka marrë edhe më shumë pikë dhe është diçka që po mendohet nga gazetarët dhe specialistët e futbollit në gjithë botën. Në përfundim të çerekfinaleve, ku Kroacia kaloi mes katër më të mirave, Modriç u ndal dhe foli për mediat nga mbarë bota duke u përgjigjur në të gjitha gjuhët, anglisht,s panjisht dhe në gjuhën kroate.

Nga të gjithë gazetarët pyetja e parë që i bëhej ishte kjo. “A e sheh veten si fitues i “Topit të Artë”? Dhe kapiteni i Kroacisë u përgjigj: “Është diçka që nuk e kam si obsession dhe për momentin nuk e mendoj, pasi dua që të arrij në finalen e Kupës së Botës. Pavarësisht se Modriç tregohet modest, numrat flasin në favor të tij.

Luka është shpallur tre herë lojtari i ndeshjes nga 5 të luajtura deri tani. Ndaj Rusisë ishte lojtari që preku më shumë topin, po ashtu ka shënuar te goditjet e penalltive ndaj Danimarkës dhe Rusisë dhe ka shënuar edhe dy gola ndaj Nigerisë dhe Argjentinës.

Me Cristiano Ronaldon, Messin dhe Neymar jashtë Botërorit emrat e tjerë kandidatë për “Topin e Artë” janë Griezmann që fitoi edhe Europa League me Atleticon, Mbappe që fitoi tre trofe me PSG-në. De Bruyne është kandidat potencial, pasi fitoi Premier League dhe Harry Kane autor i 41 golave me Tottenham.

Të gjitha këta emra ende në garë për Kupën e Botës dhe me potencial të madh. Ajo që do të ndodhë në ndeshjet finale të Kupës së Botës patjetër që do të përcaktojë edhe fituesin e “Topit të Artë”, por momentalisht këtë garë e kryeson Luka Modriç.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça