Gara presidenciale në Turqi/ Kundërshtari pozoi me këpucë mbi qilimin e lutjes! Mbështetësit e Erdoganit: Mosrespekt i simboleve tona (FOTO)

TURQI- Zgjedhjet presidenciale janë shumë afër në Turqi dhe tensioni mes "duelistëve" Erdogan dhe Kilisdaroglu është në kulm. Si presidenti aktual ashtu edhe kandidati për president në vendin fqinj po përpiqen të "fitojnë" një pjesë gjithnjë e më të madhe të votuesve.

Në këtë përpjekje, Kemal Kilisdaroglu, i cili ruan një epërsi në sondazhe, është vënë në shënjestër të kundërshtarëve të tij në orët e fundit, pasi në një foto të shpërndarë në rrjetet sociale, ai shihet duke shkelur me këpucë në një qilim lutjeje, i cili konsiderohet mungesë respekti ndaj botës myslimane.

Natyrisht, pala e Erdoganit shpejtoi të përfitonte nga ky fakt, me Ministrin e Drejtësisë Bekir Bozdag që foli për "mosrespektim të madh ndaj simboleve fetare".

“Namazi është ngjitja e besimtarit. Është shumë mosrespektim ndaj simboleve tona fetare të shkelësh në tapetin e lutjes me këpucë. Ajo që bëri Kemali nuk na befasoi”, tha ministri turk për Hurriyet.

Për këtë foto ka reaguar edhe partia e Kilisdaroglu (CHP), e cila sot se ai nuk e ka parë për shkak të rrëmujës në terren.

“Më falni, më falni që nuk e pashë qilimin e namazit. Nuk do të doja kurrë të lëndoja dikë në botë, veçanërisht kombin tim”, thuhet në reagim.

B.K./Shqiptarja.com

TAG:
• Kemal Kilisdaroglu
• erdogan
• turqi