Receta

Gatime nga zonja Albana, Burani me spinaq, qepë të njoma dhe oriz

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 7 Dhjetor 2021, 10:54 | Përditesimi: 7 Dhjetor 2021, 10:55

Burani me spinaq, qepë të njoma dhe oriz

Përbërësit:

1 kg spinaq

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

5 qepë të njoma

4 lgj vaj ulliri

2 lgj oriz

Nenexhik

Kripë, piper

Përgatitja:

Fillimisht lajmë spinaqin në ujë të rrjedhshëm dhe e kullojmë mirë. Qepët e njoma pasi i kemi pastruar i grijmë imët.

Kaurdisim me vaj ulliri qepët e njoma derisa volumi i tyre të ulet. E ndihmojmë zbutjen me pak kripë dhe piper. Më pas shtojmë orizin dhe vijojmë kaurdisjen për disa minuta. Hedhim dy gota ujë të ngrohtë dhe e lemë orizin të ziejë.

Presim spinaqin në copa jo shumë të vogla (nëse spinaqi është gjethe vogël e lemë ashtu siç është). Pasi spinaqi të ulë vëllimin rregullojmë shijen me kripë dhe piper dhe shtojmë dhe një gotë tjetër me ujë. Pasi burania të ketë përthithur lëngjet shtojmë nenexhik, ulim temperaturën e sobës në minimum dhe e lemë të qëndrojë për rreth 10 minuta me kapak të mbyllur dhe më pas e kemi gati për t’a servirur.