Receta

Gatimi me thjerrëza i tryezës festive për shumë fat nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 21 Dhjetor 2022, 11:10 | Përditesimi: 21 Dhjetor 2022, 11:11

Thjerrëza me sallam derri

Përbërësit:

300 gr thjerrëza
800 gr sallam derri (cotechino)
1 thelpi hudhër
1 gjethë dafine
Buljon perimesh
Vaj ulliri
Kripë, piper

Përgatitja:

LEXO EDHE:
Pulë me oriz në furrë nga zonja Albana

Fillimisht thjerrëzat i kemi lënë në ujë të ftohtë për disa orë.

Sallamin e derrit (cotechino) siç është me ambalazhimin e tij e vendosim në një tenxhere me ujë te ftohtë. E vendosim tenxheren në zjarr dhe e lemë ujin të vlojë bashkë me sallamin brenda për rreth 20 minuta. Në dy minutëshin e fundit presim mbështjellësen e sallamit në mënyrë që të dalin të gjitha lëngjet që sallami ka lëshuar. Më pas sallamin e presim në feta mesatare dhe nëse kemi forma e presim në të kundërt e lemë në feta të cilat i vendosim të piqen në furrë për 10-12 minuta. Ndërkohë vendosim në zjarr një tigan më bazë të gjerë ose një tenxhere me vaj ulliri ekstra të virgjër. Vendosim një thelpi hudhër dhe një gjethe dafine. Sapo hudhra të shpërthejeë aromat e largojmë nga vaji dhe shtojmë thjerrëzat. I trazojmë duke shtuar gradualisht buljonin e perimeve. I lemë thjerrëzat të ziejnë duke rregulluar dhe shijen me kripë dhe piper. I servirim thjerrëzat duke vendosur në mënyrë dekoruese fetat e sallamit.

MC/Shqiptarja.com

TAG: