/ATSH-DPA/ - Presidenti gjerman, Joachim Gauck mirëpriti të dielën refugjatët e sapoardhur, por vuri në pikëpyetje kapacitetin e vendit për të mbajtur dyert hapur për një afat të gjatë, në një fjalim ku tregonte vështirësitë e marrjes së qindra e mijëra emigrantëve.
"Kapaciteti ynë  i pranimeve është i kufizuar, edhe nëse nuk është vendosur ende se deri ku shtrihen këto kufizime", tha ai në Mainz.
Gauck, roli i të cilit si president është kryesisht ceremonial në politikën gjermane, foli për një dilemë themelore mes vullnetit të madh për të ndihmuar të tjerët dhe kapacitetit për ta bërë këtë.
Ai tha se ishte e nevojshme për të analizuar më nga afër se çfarë mund të bëhet për këtë çështje.
Gauck tha se vendi i tij po perballej me sfida të mëdha.