POP 5

Lajmet më të lexuara të 5 minutave të fundit

Kronikë

Gazetarët francezë: Hashashi i
Lazaratit blihet sa 'frëngu pulën'

EKSKLUZIVE/  Shqiptarja.com, (print) publikoi sot fotot ekskluzive të plantacioneve me hashash që pritet të korren në shtator, si dhe reportazhin se çfarë ndodh në Lazarat, në fshatin ku hashashi prodhohet me shumicë.  (Në foto: Gazetari francez Camille De Pomellec dhe kryekomunari i Lazaratit Dashnor Aliko)
Policia italiane: Droga në Lazarat 4.5 miliardë euro/vit
Gazetarët francezë: Hashashi i<br />Lazaratit blihet sa 'frëngu pulën'
LAZARAT -  Një ditë pas deklaratave të zyrtarëve italianë për megaprodhimin e hashashit në Lazarat, janë shtuar masat e sigurisë nga vetë poseduesit e mallit, ndërkohë që nuk duket këmbë polici.  Pak ditë më parë, një grup gazetarësh francezë, janë rrez-kuar seriozisht ndërsa kërkonin të bënin filmime brenda fshatit. Ndërkohë kryekomunari Aliko e pranon se ka prodhim hashashi, por jo në sasinë që fliitet. Shqiptarja.com, (print) publikoi sot fotot ekskluzive të plantacioneve me hashash që pritet të korren në shtator, si dhe reportazhin se çfarë ndodh në Lazarat, në fshatin ku hashashi prodhohet me shumicë. Si u rrezikuan gazetarët francezë që donin të filmonin në fshat vetëm pak ditë më parë. Deklarata e Camille Le Pomellec: Këtu, lazaratasit janë më të organizuar se policia e shtetit. 

REPORTAZHI: BRENDA LAZARATIT, ATY KU NUK KA KEMBE POLICI

Lazarati është emër shumë i njohur në Shqipëri. Gjatë diktaturës njihej si fshat ballist, në demokraci si bastion i Partisë Demokratike dhe vitet e fundit si qendër e kultivimit të lëndëve narkotike.

Të gjitha këto janë të diskutueshme, por ka një fakt të pakundërshtueshëm, që do të mjaftonte për t’a bërë Lazaratin të famshëm, madhësia e tij. Me 5200 banorë dhe rreth 2000 emigrantë është fshati më i madh në Shqipëri.

Adrian Ll., lindur në Elbasan, prej tre muajsh është i punësuar në platacionet e hashashit në Lazarat, fshati që ndodhet vetëm 5 km larg qytetit të Gjirokastrës. Ende pa lindur dielli, Adriani e gjen tek sheshi “Omonia” për të kapur furgonin e linjës Lazarat-Gjirokastër.

“Në Lazarat ka punë për të gjithë, mjafton të kesh krahë dhe dëshirë për të fituar lekë”, pohon Adriani. Adriani thekson se sivjet hashashi është i mbarë. Puna është me normë, por edhe fitimi është i mirë.

“Ke fuqi të punosh gjithë ditën, askush nuk të ndalon”, vijon Adriani. Sipas tij, gushti është muaji i procesit vendimtar të prodhimit të hashashit. “Lënda narkotike në Lazarat, thotë Adriani, është cilësor. Sivjet pritet prodhim i madh”.

“Në pjesën perëndimore të fshatit janë mbjellë me mijëra bimë. Deri tani hashashi është dymetrosh, ndërsa në shtator pritet të korret”, thekson Adriani, djali i vetëm i pesë motrave.

Adriani saktëson se çdo ditë nxjerrë 3 mijë lekë të reja, afro 80 mijë lekë në muaj. “Nuk ka ditë pushimi në këtë kohë. Vetëm të jesh budalla të mos punosh”, specifikon Adriani, i cili shton se gjysmat e lekëve që nxjerrë në Lazarat i dërgon në shtëpi.

Adriani thotë se në Lazarat janë të punësuar mbi 700 persona, pjesa dërmuese janë nga Shqipëria e Mesme. “Lazarati është hambar për të gjithë ata që duan punë. Lekët i merr çdo ditë. Prodhuesit janë njerëz të mirë. Ata interesohen për gjithçka, por nuk të falin nëqoftëse i tradhëton”, nënvizon Adriani.

Adriani tregon se çdo person që hyn në Lazarat është i monitoruar nga një grup njerëzish. “Të gjithë janë të “skeduar”. Personat e padëshirueshëm identifikohen në kohë dhe dëbohen me forcë nga fshati Lazarat. Ka pasur raste që “të padëshiruarit” janë larguar me dajak ose me kërcënimin e kallashnikovit”, thotë Adriani.
 
GAZETARET E HUAJ 

Rreth një javë më parë, tre gazetar investigativë, dy shqiptar dhe një francez, u kërcënuan me vdekje, pasi ata tentuan të filmonin fshatin Lazarat. Jeta e tyre u vu në rrezik, ku një automjet tip “Ford”, me targa “Lazarat” u zuri rrugën. Jeta e tyre përpak sa nuk përfundoi tragjikisht. Fatmirësisht pa viktima.

Gjatë investigimit treditor, gazetarët konstatuan një organizim të përsosur të “vijës së gjelbërt”. “Vetë shteti shqiptar do ta kishte zili këtë organizim të përkryer. Ata dinë të ruajnë kufinjtë e Lazaratit, më mirë se Policia e Shtetit”, tregon Camille Le Pomellec, gazetari francez. Camille thotë se hashashi i Lazaratit tashmë është bërë i njohur në mbarë Europën për cilësinë e saj.

“Nuk ka të krahasur hashashi i Lazaratit. Shumë konsumatorë europianë janë gati ta paguajnë si “frëngu pulën” këtë lëndë narkotike”, specifikon Camille. Sipas tij, shteti është dorëzuar pa kushte përpara Lazaratit. Në fakt, deklarata e tij, u vërtetua dy ditë më parë nga drejtuesit e lartë të policisë së shtetit.

TREGTIA DHE FITIMI

Plot 4.5 miliardë euro kushton tregëtia e hashashit, prodhuar nga Lazarati. Stefano Bastoni, drejtori i Repartit të Aviacionit të “Guardia di Finanza”, e cilëson marramendëse vlerën, por banorët e fshatit mendojnë të kundërtën.

“4.5 miliard euro? Shumëëëë! Nuk them që “dhelprën ta lëjmë pa bisht”, por të paktën të ulin vlerën, pasi ne nuk konkurrojmë shtetit”, shprehet me humor R. A., banor i fshatit Lazarat, i cili preferoi të ngelet anonim. R. A, është një kultivues i bimës narkotike. Ai thotë se sivjet prodhimi dhe fitimi parashikohet të dyfishohet. Shkak u bënë zgjedhjet parlamentare.

“Një vit më parë policinë e kishin nëpërkëmbë. Sivjet u zhdukën, nuk u shfaqën fare”, shprehet kultivuesi. “Unë nuk jam një person i dhunshëm. Thjesht dua të jetoj pa vështirësi financiare. Prodhimin tim do ta mbroj si sytë e ballit”, shton R. A.

Në fund të muaj korrik, kryekomunari i Lazaratit, Dashnor Aliko, deklaroi për televizionin francez TV6, se jo të gjithë banorët e fshatit e shkelin ligjin. Aliko në intervistën e tij, pranon faktin se Lazarati është fshati ku prodhohet hashashi, por jo me tepricë, siç deklarohet në media. 

“Vetëm për kultivimin e një rrënje hashash shpenzohen afro 30 euro, ndërsa 50 euro të thata përfundon në xhepin e prodhuesit”, shprehet një ekspert i kriminalistikës, pranë Drejtorisë së Policisë së Qarkut të Gjirokastrës.  Aliko flet per gazetaret franceze dhe deshmia e ekspertit te policise
lazarat
 
Ky shkrim u botua sot në Shqiptarja.com, versioni print, dt.07.08.2013

Redaksia online
(ar.sh/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Vlorë/ Grabitja dhe vrasja e të moshuarit në banesë, FNSH kontrolle në dalje të qytetit

Vlorë/ Grabitja dhe vrasja e të moshuarit në banesë, FNSH kontrolle në dalje të qytetit

22 Dhjetor, 19:41