POP 5

Lajmet më të lexuara të 5 minutave të fundit

Sociale

Gazetari i Report Tv, Arbër Hitaj zgjidhet president i Shoqatës së Gazetarëve Europian, për herë të parë drejtohet nga një shqiptar

Shoqata e Gazetarëve Evropianë ka për herë të parë një president shqiptar. Gazetari i Report TV, Arbër Hitaj u zgjidh në Romë si drejtues i organizatës prestigjioze që përfaqëson 20 vende të Evropës.     

Gazetari i Report Tv, Arbër Hitaj zgjidhet president i Shoqatës së Gazetarëve Europian, për herë të parë drejtohet nga një shqiptar

Gazetari Hitaj pas zgjedhjes si president i AEJ

Gazetari i Report Tv, Arbër Hitaj, është zgjedhur president i Shoqatës së Gazetarëve Europian (AEJ), duke u bërë i pari shqiptar që merr drejtimin e kësaj organizate prestigjioze.

Vendimi unanim i ka dhënë atij drejtimin e kësaj shoqate prestigjioze, gjatë Asamblesë së 62-të të Shoqatës, e cila u zhvillua në Romë dhe mblodhi përfaqësues nga 20 vende të Europës.

Në një reagim publik, gazetari i Report Tv, Arbër Hitaj shprehu falënderime të thella për mbështetjen ndërkombëtare dhe e cilësoi zgjedhjen një arritje personale të veçantë, por edhe një nder të madh për Shqipërinë.

“Me një vendim unanim, Asambleja e 62 e Shoqatës së Gazetarëve Europian që u mbajt në Romë, me zgjodhi si Presidentin e saj të ri, duke më dhënë mundësinë të jem zëri dhe imazhi i qindra gazetarëve në 20 vende të Europës.

Një kënaqësi shumë e madhe personale dhe padyshim vlerësim për Shqipërinë dhe punën që kemi zhvilluar për të mbrojtur gazetarët.

Kjo është hera e parë dhe besoj jo e fundit, që një gazetar shqiptar do të drejtojë një nga shoqatat më të vjetra në Europë për median. Kam vetëm falënderime për miqtë ndërkombëtarë për besimin. Mbrojtja e lirisë së medias është një sfidë që ngjason me një maratonë, duhet përditë të hedhësh hapa konstant e të sigurt”, shkruan gazetari Hitaj.

Zgjedhja e tij shënon një moment të rëndësishëm për historinë e gazetarisë shqiptare, pasi për herë të parë një gazetar nga Shqipëria do të drejtojë një nga shoqatat më të vjetra të medias në Europë.

Shoqata e Gazetarëve Europian, e themeluar për të mbrojtur të drejtat e gazetarëve dhe për të garantuar lirinë e shprehjes, ka një rol thelbësor në adresimin e sfidave me të cilat përballet media sot.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • A...Zh: 17/11/2024 11:29

    Urime, e meriton plotesisht!

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Ervin Kapaj në 'Klinika 24': Ja rreziku që na vjen nga monopatinat

Ervin Kapaj në 'Klinika 24': Ja rreziku që na vjen nga monopatinat

17 Nëntor, 13:46