I shumëkërkuari Klement Balili pak orë para dorëzimit në Policinë e Shtetit ka dhënë një intervistë ekskluzive për gazetarin investigativ të Report Tv, Artan Hoxha, e cila do të transmetohet ditën e nesërme në orën 20:30 në emisionin ‘Repolitix’ të gazetarit Denis Minga. Ndërkohë i ftuar në studion e lajmeve në orën 15:00 në Report Tv, gazetari Artan Hoxha tregon si u dorëzua Balili dhe kushtet që ka pasur.
Ai ka treguar detajet e operacionit të dorëzimit të Balilit në Polici nga Delvina në Tiranë. Në intervistën e tij në studio, Hoxha u shpreh se arrestimi i tij është një ngjarje e madhe pasi ai ishte më i kërkuari dhe se përmendjen në çdo deklaratë të Ambasadës Amerikane.
“Kam parë që kanë folur personalitetet më të larta të vendit. Është ngjarje e jashtëzakonshme pasi ai kërkohej për më shumë se dy vite. Përmendej në çdo deklaratë të Ambasadës Amerikane, është edhe numri 1 i listës së më të kërkuarve. Në intervistën tonë ai shpjegon rrethanat se përse i shmanget arrestimit dhe sqaron edhe pse ka zgjedhur atë rrugë. Të gjithë e akuzonin njëri-tjetrin për të. Kam shkuar natën, as unë nuk e di se ku e kam bërë ekzaktësisht intervistën. Imazhi i tij kishte ndryshuar, kjo e kishte ndihmuar duke e bërë shumë të vështirë që të kapej. Dështuan 16 operacione për kapjen e tij. Unë e kam pyetur si ka mundur tú mbijetonte kaq shumë operacioneve. Por pas një kohë kaq të gjatë kërkimi dhe operacionesh të dështuara. Me një aftësi të pazakonte arriti t’u mbijetonte. Momentin që e takova më tha unë jam Éscobari’ i madh, që ti vazhdimisht ke folur dhe ju më keni bërë. Unë do të marr një vendim, tha.. Para kamerës Balili ishte... edhe snajperin nuk e kishte aq frikë sa kamerën. Kjo ishte intervista e dytë. Intervistën do të japim në ditët në vijim. Ai ka dhënë përgjigjet e veta, sipas asaj që i mendon ai. Ai flet edhe për akuzat për lidhje me politikën, flet se edhe kë kryeministër ka takuar. Ai ka dhënë se do të dorëzohet kur të dërgohet dosja në gjykatë. ”
Në intervistën e tij në Report Tv, Hoxha ka treguar edhe se si drejtori i Përgjithshëm i Policisë, Ardi Veliu ka negociuar me Balilin duke bërë të mundur kështu edhe vetëdorëzimin e tij.
“Merita ekskluzive për negociatat i takojnë Ardi Veliut. Sepse janë mes Ardi Veliut, nipit dhe vëllait të madh të Balilit. Askush nuk ka pasur dijeni për operacionin e Veliut. Në kohën e Xhafajt është tentuar disa herë për të arritur disa marrëveshje duke kontaktuar familjarë dhe njerëz të afërm të tij. Kushti i vetëm i tij ka qënë që të vinte dosja nga Greqia. Dosja ka ardhur në 10, në 12 është negociuar me Ardi Veliun. Ai ka kërkuar që të takojë familjarët dhe sot në mëngjes ai do të dorëzohej. Ka kërkuar vetëm të takojë familjarët. Asnjë kusht tjetër ska kërkuar. As në ambjente VIP, as gjëra të tilla. Ai duhej në zonën e tij. Komuniteti i tij nuk ka bashkëpunuar me policinë.”
Hoxha ka treguar se Balili për 2 vite është fshehur në Tiranë, Vlorë dhe Durrës.
"Nuk ishte njeri dosido. U përpoqëm të mos binim në sy, që të mos krijonim probleme për mbarëvajtjen e operacionit. Tani është i arrestuar, ngelet vetëm që prokuroria të provojë akuzat. U arrestua falë kontaktimit të drejtorit të Përgjithshëm të Policisë së Shtetit me Balilin. Vendi më i sigurtë për Balilin, Shqipëria. Ai thotë në intervistë se ka qëndruar aty ku nuk i shkonte mendja njeriut. Ka qëndruar në Tiranë, Durrës, Vlorë."-tha Artan Hoxha.
Gazetari ka treguar se ka patur një operacion 2 javë më parë në Shkodër për arrestimin e tij, operacion që ka dështuar.
Operacioni i fundit për t’u arrestuar ishte dy javë më parë në Shkodër. Operacioni, në një nga lagjet ku rri një grup shumë i fortë kriminal. Personazhi s’është i lehtë, e kërkoi gjithë bota. Ishte presioni i SHBA që kërkoi me insistim nga qeveria shqiptare që ky njeri të arrestohej. Cilat janë fijet që lidhen me të? Kjo i takon prokurorisë.
Artan Hoxha, gazetari investigativ i Report Tv
Hoxha ka thënë se Balili u dorëzua vetë dhe arrestimi u bë në një mënyrë që i krijon një favor në gjykim, por jo më tepër.
Shteti ynë harxhoi me miliona për të kapur Agim Pepën. Pepa shkoi në burg duke u dorëzua në policinë e Durrësit, takoi oficerin roje dhe u ul tek lokali përballë. Ky person ka pranuar të negociohet. Pasi erdhi dosja pranoi të dorëzohej. Do ishte më e turpshme nëse do kishte 100 Forca Speciale që e shoqërojnë. Iu vunë prangat kur u dorëzua dhe erdhi në Tiranë. Fakti që ky u dorëzua në këtë situatë është vetëm një favor që shënohet një gjykim. Situata, jo normale. Për 2 vite operacionet kishin dështuar, duke krijuar një situatë problematike me aleatët.
Artan Hoxha, gazetari investigativ i Report Tv
Gazetari Artan Hoxha ka thënë se Balili nuk është pronar i kompleksit Santa Quaranta dhe se prokuroria duhet të provojë pronësinë. Për materialet e përfolura në media, për politikanë që kanë qëndruar në këtë resort, Hoxha ka thënë se nuk ka dijeni për pamjet që kanë filmuar kamerat.
"Klement Balili nuk është pronar i Santa Quaranta-s. As aksioner, as i hotelit tjetër. Ka patur biznes tjetër që e ka patur në Greqi. Me letra nuk figuron, prokurorisë i duhet të provojë se Balili është pronar në QKR. Serveri i famshëm, për shkak të pozicionit të kompleksit, është një nga resorted më të mëdha turistike në vend. Secili nga këta që pretendon për bashkëpunimin e Balilit, ka qenë aty. Drejtuesit më të lartë të PD kanë vizituar familjen Balili. Cfarë kanë siguruar kamerat, unë nuk e di. Sistemi s’ka synuar të dokumentojë. Në fushatë, aty kanë qenë të gjithë se familja Balili në rastin konkret, vëllezërit e tij kanë qenë të angazhuar politikisht."-tha Hoxha.
Gazetari Artan Hoxha ka thënë se nuk ka një marrëveshje për ekstradimin e Klement Balilit në Greqi. “Balili është njoftuar që në datën 12 janar për dosjen nga Greqia. Në Greqi Balili akuzohet si financues i një grupi kriminal. Klement Balili nuk mund të ekstradohet nga Shqipëria në Greqi. Klement Balili më tha që ne Greqi është nën hetim, jo i dënuar.”-tha Hoxha.
Gazetari ka thënë se transporti i Balilit është bërë me mjete civile dhe pa rënë në sy. “Balili ka gjithë të drejtën që ia jep ligji që të mbrohet me jurist dhe avokat. Avokati grek është shumë i njohur. Balili ia ka dhënë lehtësinë vetes që të hetohet. Ka patur një plan të Policisë dhe drejtorit të Përgjithshëm sesi ai do të mundësonte transportimin e tij drejt Tiranës. Transporti është bërë me mjete civile dhe pa rënë në sy. S’ka ardhur me blind por me autoveturë private.”-tha gazetari Artan Hoxha.
Komente
Lajme të tjera
-
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
DOSJA/ 'Këta budallej kërkonin për gëzhojë po snajperi s'lë', zbardhen përgjimet e Suel Celës me Artan Hoxhën! SPAK: Zv/shefi i policisë së Elbasanit i blen Benz, i informonte për hetimet e kontrollet
27 Nëntor, 10:07 -
Gazetarët Artan Hoxha dhe Elton Qyno shkojnë në SPAK! Iu vendos masa 'detyrim paraqitje', pas dyshimeve për lidhje me bandën e Suel Çelës
27 Nëntor, 09:50 -
Dosja e Suel Çelës, Meçe në ‘Repolitix’: Lidhjet me Artan Hoxhën, manipuloi hapësirën mediatike në shërbim të grupit kriminal! Mori zarfin në dorë
26 Nëntor, 22:10 -
DOSJA/ Artan Hoxha me SKYECC, chat-i i kriminelëve! Me Suel Çelën inskenuan kërcënimin me mesazhe dhe foto! Përgatitën ‘skaletën’ e emisionit Opinion! Takimet e pagesat
26 Nëntor, 19:54
-
SPAK godet Organizatën kriminale të Suel Çelës në Elbasan! Trafikoi kokainë nga Amerika Latine në BE! Korruptoi shefin e krimeve e gjyqtaren! ''Gazetarët morën para për keqinformim''
26 Nëntor, 12:17 -
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31 -
Çelja e negociatave/ Rektorët tryezë në Kuvend: Mos prodhoni ligje korruptive, të gjejmë zgjidhje për degët e mësuesisë! Studentët e huaj po ikin
18 Tetor, 16:59 -
Konfiskime në letër, si u rikthye në duart e familjes Balili resorti luksoz 'Santa Quaranta' në Sarandë
18 Shtator, 11:51
-
Emërohen Dekanët e rinj në Universitetin e Tiranës, ja kush merr drejtimin në 8 fakultete
29 Gusht, 17:52 -
Zgjedhjet në Universitete, emrat e rektorëve të rinj! Në 90% mungoi gara, kandidatë pa rivalë! Në Vlorë votohet me kutitë e PS
21 Qershor, 12:33
-
Zgjedhje pa garë në universitete, Politekniku, Bujqësori, Mjekësia, Sportet e UT me nga një kandidat! Muka denoncon për doktoratura plagjiaturë
8 Qershor, 19:53
Po si ka mundsi qe ky gazetar i del ne mbrojtje te gjith ktyre vipave e ben emisione per kta rob qe e paguajn e zben emisione per fukarejt qe kapen me nje cigare hashash ose me pije alkolike ose per mos pagim dritash e perfundojn neper burgje o dritan hoxha shif e mos u bej me partit e me grupet kriminale se ke qen me i paster pa parti e pa grupe
PërgjigjuKu i blejn kemishat keta
PërgjigjuKush JA Dha adresen artan TAHIRMETA HOXHES ?? SI VELIU IA DINTE KU ISHTE BANKA E BALILIT ?? .SA LEKE ( €) DO MARRE ARTAN TAHIRAMEMETA ME KETE RAST ?? VELLAI I BALILIT KA DORE NE KETO VJEDHJE DHE GRABITJE TE PRONAVE TE TE MJEREVE SHQIPETARE ??
PërgjigjuTa emertoje amerika si esdobarin e droges dhe t ja hedhe paq ??? Sme besohet .
PërgjigjuSa her mer ne interviste ky Hoxha bi ne burg
PërgjigjuArrestim per show biz hahahahah
Përgjigju