POP 5

Lajmet më të lexuara të 5 minutave të fundit

Kultura

Genci Fuga sjell regjinë e 
parë në Teatrin Kombëta

Shfaqet këtë fundjavë monodrama "Dhimbje" me regji të genci Fugës, skenar dhe aktrim të Dorina DIngës. Fati është shakatori më i madh, kjo është dhe pikënisja e rrëfimit të monodramës; një vajze që mund të jetë secili apo secila nga ne. Ajo ballafaqohet me destinin e saj mes lotësh e të qeshurash.
TIRANE- Fati është shakatori më i madh, kjo është dhe pikënisja e rrëfimit të monodramës; një vajze që mund të jetë secili apo secila nga ne. Ajo ballafaqohet me destinin e saj mes lotësh e të qeshurash. Dashurinë e përditshme falna zot! Se të tjerat janë të falura. Me titullin “Dhimbje”, Teatri Kombëtar ngjit nw skenw  dramën, e cila lidhet drejtpërdrejt me jetën dhe botën e brendshme të të rinjve sot. Pjesa ka në skenë vetëm një aktore të re, që është njëkohësisht edhe skenariste, Dorina Dingën.

Aktorja luan një monodramë mbi gjendjen e pështjelluar shpirtërore të një të reje në realitetin e përditshëm shqiptar. “Dhimbje” u ngjit mbrëmë në skenë dhe do të shfaqet edhe sot ditën e shtunë në Teatrin Kombëtar, ora 20:00. Regjia është e Genc Fugës, i cili për herë të parë ngjit një regji në Teatrin Kombëtar. Asistent-regjisor wshtw Klodoaldo Lamçaj dhe skenografe Rudina Goxhaj. “Pjesa vjen me mesazhe të forta për shoqërinë”, sipas regjisorit Fuga. Ai mendon se “kjo shfaqje mbase është mesazhi më i mirë sesi të kurohen plagët që ka shoqëria”.

Drama është konceptuar përmes dukurisë së dyzimit të vetvetes. Dyzimi shkakton dhimbje dhe kjo zakonisht pason me të tjera fatkeqësi. Një rol i vështirë për t’u luajtur, edhe pse dhimbjen e ndeshim rëndom në realitet. Vështirësia qëndron tek zbulimi i elementëve të spikatur dhe që duhet të përçojnë mesazhe të forta filozofike; si të jetosh përtej dhimbjes. Aktorja e re 23-vjeçare Dorina Dinga ndihet energjike në zotërimin e rolit të një vajze me gjendje të luhatshme shpirtërore, pas një fatkeqësie familjare që përjeton personazhi.

Megjithatë ajo ndihet e gatshme që të zotërojë të gjitha situatat psikologjike, duke u ndjerë e lidhur me skenarin e saj. “Kemi një 23-vjeçare në skenë, e cila zbulon se dashuria nuk mund të maturohet si një llogari bankare, nuk duhet ruajtur si një llogari e tillë dhe nuk ka vlerën e kësaj llogarie. Ajo ka një vlerë universale, ka një magji në vetvete. Sa më shumë ta përdorësh, aq më shumë gjenerohet. E vetmja gjë që gjeneron dashurinë është vetë dashuria”, shprehet regjisori Genc Fuga për konceptin mesazhor të dramës.

Aktori Genc Fuga aktualisht është profesor i asociuar në degën e Regjisë. Kjo i ka dhënë mundësi të eksperimentojë mjaft me aktorët e rinj. Ndërkohë ngjitja në skenën e Tetarit Kombëtar për të është një sprovë emocionuese. “Falënderoj Teatrin Kombëtar që hapi dyert për këtë shfaqje. Brenda natyrës sime, dedikimi për profesionin është i njëjtë edhe si aktor edhe si regjisor. Në këtë moment energjia më është kursyer më tepër, por kam idenë që është kompensuar në transmetimin e energjisë. Unë vetë mund të mos kem vrapuar në skenë, por energjia që më është dashur të transmetoj është e njëjta”, shprehet Fuga për këtë moment të veçantë të karrierës së tij në Teatrin Kombëtar. Monodrama “Dhimbje” jepet këtë fundjavë, të shtunën dhe të dielën në Teatrin Kombëtar. 


Shkrimi u botua në Shqiptarja.com (print) në 14 qershor 2014

Redaksia Online
(d.a/shqiptarja.com)   
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35