Gënjeu për të shkuarën dhe u pezulluar/ Shtyhet seanca për gjyqtarin e KPA-së...dorëzoi raport mjekësor 15-ditor

Luan Daci

TIRANË- Gjykata Speciale ka vendosur të shtyjë seancën për gjyqtarin e KPA-së, Luan Daci i cili është pezulluar nga puna për fshehje të së shkuarës, ndaj të cilit SPAK ka nisur hetimet. Gazetari i Report Tv, Merin Maçi raporton se shkak për shtyrjen e seancës është mungesa e Dacit, ku mësohet se ai ka dorëzuar një raport mjekësor 15-ditor. Seanca e radhës do të mbahet ditën e diel, ku Daci duhet të paraqitet patjetër, pasiu në të kundërtën bën dot ankimim.  

Po si është historia e Luan Dacit?  Luan Daci, gjyqtar në shkallën e fundit të vettingut në Kolegjin e Posaçëm të Apelimit u pezullua dhe është marrë në hetim nga Struktura e Posaçme e Anti-Korrupsion pasi ka fshehur të kaluarën e tij duke gënjyer për një shkarkim nga detyra si i paaftë në vitin 1997. SPAK tashmë e akuzon për falsifikim të dokumenteve Dacin, i cili në momentin që aplikoi për t'u bërë pjesë e trupës së KPA-së e fshehu këtë fakt, që kur ishte gjyqtar në gjykatën e Tiranës në 1997, KLD-ja me propozim të ministrit të Drejtësisë e shkarkoi nga detyra për shkelje të ligjit dhe paaftësi.

Lidhur me këtë çështje, ambasadorja e SHBA-së  Yuri Kim është takuar me anëtarët e KPA-së.

B.K./r.k./Shqiptarja.com
  • Sondazhi i ditës:

    A mendoni se duhet që të ndryshohet sistemi zgjedhor?

Komento


×

Lajmi i fundit

John

Vajza, një truk që duhet dini PATJETËR para se të nisni plazhin