POP 5

Lajmet më të lexuara të 5 minutave të fundit

Kronikë

Gërdeci, lirohet Ylli Pinari
ishte dënuar me 15 vite burg

Pas vendimit të Gjykatës së Tiranës për lirimin me kusht, Ylli Pinari ka dalë nga burgu 325 në Tiranë. ​Ish-drejtori i ndërmarrjes shtetërore "MEICO" ishte dënuar me 15 vite burg për tragjedinë e 15 marsit 2008 në Gërdec ku humbën jetën 26 vetë, u plagosën mbi 300 të tjerë dhe u shkatërruan me mijëra biznese e banesa. Sipas gjykatës, Ylli Pinari (ne foto) kishte shlyer 2/3 e dënimit.
TIRANE- Pas vendimit të Gjykatës së Tiranës për lirimin me kusht, Ylli Pinari ka dalë nga burgu 325 në Tiranë. ​Ish-drejtori i ndërmarrjes shtetërore "MEICO" ishte dënuar me 15 vite burg për tragjedinë e 15 marsit 2008 në Gërdec ku humbën jetën 26 vetë, u plagosën mbi 300 të tjerë dhe u shkatërruan me mijëra biznese e banesa.

Vendimi u dha sot nga gjyqtari Petrit Çomo. Sipas gjykatës, Ylli Pinari kishte shlyer 2/3 e dënimit.

Ylli Pinari kishte dorëzuar kërkesën në fund të 2013-s. Në vendimin e marrë sot kishte ndikuar edhe sëmundja e të ëmës së Pinarit.

Më 13 shkurt 2013 Gjykata e Apelit e Tiranës dha vendimin përfundimtar duke e dënuar me 15 vjet burg Ylli Pinarin. Një pjesë e këtij dënimi ishte kryer gjatë qëndrimit në burg dhe në masën e arrestit shtëpiak, që gjykata e Tiranës kishte caktuar për ish-drejtorin e MEICO Ylli Pinari. 

Duke përllogaritur këto ditë Ylli Pinarit i ngeleshin pa kryer edhe 3 vjet e 7 muaj burg. 

Pinari ka marrë 2 herë ulje dënime dhe për 2 vjet e 2 muaj i përfundon krej dënimi. Kërkesa ishte depozituar në datën 13 dhjetor 2013 dhe mbante numrin 1934, ndërkohë që gjyqtar ishte përzgjedhur Petrit Çomo

Për tragjedinë e Gërdecit ishin 29 të pandehur, ndërsa përgjegjësit kryesorë ishin ish drejtori i  fabrikës së demontimit të armëve në Gërdec, "Alba Demil", Mihal Delijorgji, Dritan Minxholli, administrator i fabrikës "Albademil" dhe Ylli Pinari ish kreu i MEICO-s.  

Lajmi fillimisht u publikua në 13:58

Redaksia online 
(e.s/sg/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

10 Janar, 10:15