POP 5

Lajmet më të lexuara të 5 minutave të fundit

Periferi

Gjasmemëshirues

Eshtë e vërtetë që kur rrëzohen kullat e egove, të cilat kanë forma të ndryshme materiale e antiligjore, zhurma është e madhe, edhe dhimbja gjithashtu. Por nga ky rrëzim, nga ky shkatërrim i të jashtëligjshmes, ringrihen më pastër edhe ata që e bënë, por sidomos, përfitojnë brezat që vijnë.

Gjasmemëshirues

Protesta e sotme para Kuvendit e banorëve të Unazës së Re mbështetur nga deputetët e opozitës (Fotoja nga LSA)

I keni vënë re? Janë përherë të gatshëm të të vënë një dorë në shpatull kur ti e shkel. Kur ti gabon, ngrihen të të ngushëllojnë e të të përkëdhelin sedrën për të thënë: S'është faji yt. E zaptove tokën e tjetrit? Mirë e bëre. E bëre shtëpinë pa leje? Shteti e ka fajin. Nuk pagove dritat, shteti e ka shkelur; ecën me shpejtësi në rrugë, qeveria e ka fajin. Nuk paguan taksa?

Sërish, shteti e ka fajin. Duke thënë Shteti, Qeveria, siç e shkruante edhe Mid'hat Frashëri që në kohë të kohëve, shqiptarët e heqin përgjegjësinë nga vetja për ta kaluar në një entitet abstrakt. Duke thënë Shteti dmth askush, nuk dihet se kush, të jashtëligjshmit ndjehen mirë nga ajo që padrejtësisht kanë marrë: tokë, prona, para, drejtësi, gjithçka. Pastaj, sa më shumë bëhen, aq më shumë ngushëllohen. Dhe sa më shumë ngushëllohen, sidomos nga një pjesë politike, aq më shumë bëhen agresivë në veprimet e tyre për të mbrojtur atë që nuk u takon.

Por Shqipëria, nuk besoj se dëshiron të vazhdojë kështu. Në emër të atyre që gabojnë e sidomos, në emër të atyre që për interesa të ulëta u fërkojnë shpatullat ligjshkelësve, nuk mendoj se duam të mbetemi një vend pa rregulla, pa rrugë, pa pastërti e bukuri.

Sa vjen dhe më shumë, shqiptarët po distancohen nga goditësit e shpatullave falsë, që si hijena sillen rreth atyre që gabojnë dhe përpiqen që nga sedra e sëmurë, e përkëdhelur në momente të vështira, duan të përfitojnë.

Eshtë e vërtetë që kur rrëzohen kullat e egove, të cilat kanë forma të ndryshme materiale e antiligjore, zhurma është e madhe, edhe dhimbja gjithashtu. Por nga ky rrëzim, nga ky shkatërrim i të jashtëligjshmes, ringrihen më pastër edhe ata që e bënë, por sidomos, përfitojnë brezat që vijnë.`

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Veritas: 22/11/2018 13:43

    ..sh.bukur!..drejt e paster!..shteti Progresist per Mire"..,duhet te jemi edhe Ne Bashkesia PerBenista"..,perballe ketyre Sharlataneve

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06