POP 5

Lajmet më të lexuara të 5 minutave të fundit

Opinion

Gjekmarkaj: Kronikë lufte, me në krye zëvendës liderin Muli

Sot pa menduar dy herë mund të thuhet që Zevendes Lideri Muli arriti apogjeun e tij. As në Grykë të Mezhgoranit dhe në Tenden e Qypit nuk është konsumuar në e tillë zulmë. Mbase heret fort nder mote në Termopile po

Gjekmarkaj: Kronikë lufte, me në krye zëvendës liderin Muli

Deputeti Flamur Noka

Sot pa menduar dy herë mund të thuhet që Zevendes Lideri Muli arriti apogjeun e tij. As në Grykë të Mezhgoranit dhe në Tenden e Qypit nuk është konsumuar në e tillë zulmë. Mbase heret fort nder mote në Termopile po.

Me tragjizem të dukshem i kalitur me ide të medha, me trimeri epike i priu pjesës që nuk është shitur as blerë të PD -së drejt betejes.

Jorida tendosej në pikellim por nuk qau siç ajo di ku shpirti i gjithëkujt keputet. Madje me një veshtrim të kreshperuar dhe fjalë të dlira qetesoi Luan Baçin e ndezur flakë nga padrejtesitë e epokes.

Gaz Bardhi si klerik i lartë i paqes jepte e merrte që konflikti mes stoikeve dhe të tulaturve, të futej në hullinë e paqes.

Zevendes Lideri me retorikë të hijshme ku e verteta dhe e lavdishmja shkelqenin si gjerdan fishekesh në brezin heroik luftoi derisa ra deshmor. Në fund e perjashtuan. Jeta e Lindites pas ketij akti nuk do jetë më e njëjta.

Ata e larguan nga salla po Muli është në zemrat tona qelibar i rrethuar me dashuri që s’ka vendim që i çan muret e saj si bedena. Por ato bëma dhanë efektet e veta.

Ulsiu u fut nën tavolinë dhe herë pas here pyeste a mbaroi? Jooo i gjegjej Bela dhe i fap permbysej në çast. Niko i bërë sa një grusht vuri një helmete në krye nga ato të ushtrisë qe të mbrohej nga ndonje kopaçe që mund ti vinte nga Albana. E hoqi vetem kur ja behu Margeriti e cila e keshilloi te pinte pak ujë. Pas dy gllenkave sikur u ndie më mirë. Elva pyeste veten me mermerime pse është bërë sa një grusht Niko trimi dhe nuk gjente xhevap!

Çuçi në fillim u pa ulur në karrige po me pas su vu më re, kishte dalë jashtë barkaz. Karrikja e Babos kurrë nuk kishte qënë në rrezik kesodore. Bela mbante me gajret ministreshat e frigura. Të ikim tha Ibrahimi, të shpetojë kush të mundet nga ky gazep. Ajo i tha jeta jepet po karrigia e Babos kurrë. Toni i lutej Zotit nga poshtë me psalmet e Davidit. Veshtrimi i Mulit binte mbi salle si mynxyrë. I madh e i vogel dridhej.

Etilda me tis merzie mbuluar pyeste Majkon a mos  ky është fundi i Botes apo një termet i rradhes? Eh Eh koken plot thinja tundte ish Kryeministri dhe renkonte ky eshtë fundi i tmerrshem dhe jo tmerri pa fund. Çyrbja erdhi vonë pasi lufta kishte mbaruar por ndihej ende athetira e barutit. Një ofshamë leshoi "Ah per nur të Allahut, ç'ti bëj Babos se e ka shpirtin det po kesaj binaje i dilte tymi me kohë"!  

Braçe i cili ka një vit që thotë me mbani se do hidhem nga ballkoni u madhengjye dhe vendosi të mos hidhet.

As Mimi di Puccini me berreten e saj dimerore nuk qe per fat të keq duke lë një bosh që kerkon të mbushet. Bora erdhi nga e vona dhe e kuptoi që ky është momenti i duhur për tu hutuar.

Teta Gerta pasi u shua zjarr i luftes nuk kishte asgje per te djegur po pyeste Ikonomin se çfarë do gatuaj per festa?! Kur ajo i tha gjel deti me pershesh një hukame gezimi ktheu jeten mes nesh!! Atehere kur nuk pritej Babo erdhi i perzhitur nga plaget që të vetet kishin marrë. Xhelali ngrohej nga flaket që na perpinë. Kollarja dhe shamiza e re e Dash Sules nuk ranë në sy dhe estetika mori plaget e veta. Lufta e kesaj dite na ka ndryshuar pergjithmonë. Salianji erdhi me vonese. I thashë historia të kaloi pranë po ti mungove atë çast!! Tao po bërë asgjë mbet deshmitar i saj.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Halit: 22/12/2022 09:35

    Ore mire e ka shkruar se kur ben edhe muli si inforte mos ngelte kush ne kembe pastaj. Sa te kete Allarajt dhe ca teima qe mban me vete veshtire te bjere muli dhe U Rexhepi. Ha habha ha nul mika totalisht injorant

    Përgjigju
  • Kaso: 22/12/2022 02:54

    Ja dhe shembulli me domethenes sesi robi shendrrohet nga i "pavarur" ne gastor te neveritshem per sistemin mafioz Rama.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46