Daily Mail ka publikuar videon e gjelit që shëtit në oborrin e një shtëpie në Kosovë, ku bien në sy përmasat e tij gjigante.
Gjeli i quajtur “Merkali” është i Fitim Sejfijajt nga Kosova, ndërsa përmasat e tij trupore kanë habitur mijëra njerëz në mbarë botën.
Edhe pse saktësisht nuk dihet origjina e këtij lloji të gjelit, sipas Livestock, ky gjel vjen nga Amerika që ishte importuar vite më parë nga Shangai.
Një gjel i zakonshëm peshon deri në 3.5 kilogramë, ndërsa “Meraklia” peshon plot dhjetë kilogramë. Që nga publikimi i kësaj videoje, ajo është shikuar mbi 85 milionë persona dhe ka zgjuar interesim të madh në gjithë globin.