Receta

Gjellë me lakër në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 13 Mars, 11:30 | Përditesimi: 13 Mars, 11:32

Gjellë me lakër në furrë

Përbërësit:

1/2 lakër të bardhë
1 filxhan oriz
2 qepë mesatare
4 lugë vaj ulliri
2 domate
Spec të kuq të bluar
Spec djegës
Kripë, piper i zi, kerri

Përgatitja:

LEXO EDHE:
Pulë me oriz në furrë nga zonja Albana

Në një tenxhere me vaj ulliri kaurdisim qepën e grirë imët, më pas shtojmë lakrën e grirë, kripën dhe specin e kuq të bluar. E trazojmë për pak minuta, shtojmë 3 filxhanë ujë të vluar dhe pas 10 minutave shtojmë orizin. E lëmë gjellën të vlojë në zjarr mesatar, duke e përzier shpesh. Pak para se të përfundojë zierja, shtojmë domaten e qëruar dhe të grirë, piperin, kerrin dhe specin djegës. E lëmë të vlojë disa minuta, e kalojmë gatimin në një tavë për pjekje dhe e lëmë të piqet ngadalë në furrë të nxehur më parë.

MC/Shqiptarja.com

TAG: