POP 5

Lajmet më të lexuara të 5 minutave të fundit

Arkiva

Gjelosh Marku në kujtimet
e Camilo Libardit!

...Ndokë Gjeloshi me disa pasues te tij dhanë shenjën e alarmit dhe pas mbërritjes së forcave të mjaftueshme filluan sulmin mbi prefekturën, aty ku ishte luani. Gjëja e parë që bënë me shumë dinakëri pushtuan pusin. Lufta zgjati gjithë natën.
...Ndokë Gjeloshi me disa pasues te tij dhanë shenjën e alarmit dhe pas mbërritjes së forcave të mjaftueshme filluan sulmin mbi prefekturën, aty ku ishte luani. Gjëja e parë që bënë me shumë dinakëri pushtuan pusin. Lufta zgjati gjithë natën. Të nesërmen kur Feriti dhe të besuarit tij ishin të lodhur e ndërkohë u ishte mbaruar gjithë municionet, u kacavirren nga ana e prapme e pallatit të prefekturës, nga ku shihej një kopsht.

Gjelosh Marku  nga Mekshajt e Shalës me të tjerët e të njëjtit fis, kishte ndryshuar pozicionin dhe kishte zënë vend prapa prefekturës. Nga poshtë u dëgjua një shtënë, e cila u ndoq nga një britmë e mbytur dhe rënkime. Heroin e pamposhtur  (Gjeloshi) e kishte goditur në kokë dhe ra siç bien të fortët. Kaluan disa minuta me një qetësi të tmerrshme.

Pas pak një flamur i bardhë nga një dritare i mbajtur nga të besuarit e tij. Prefektura u mor,  Partia e Zogut dukej e plagosur për vdekje. Opozitarin antizogist Gjelosh Markun  e patën arrestuar forcat e Muharrem Bajraktarit  së bashku me Lekë Vuksanin, ku  i morën të lidhur me zinxhir (rebeli  i lidhur me duar prapa me  hekura nemceje  të vendosura deri në zero, rrugën nga Shala në Shkodër e bëri në këmbë dhe nuk u lejua as të hante bukë, as të pinte ujë, as të pinte duhan, ndonëse i dridhej buza për një cigare nënvizim imi) Gjeloshi kur mbërriti Muharrem Bajraktari në Shalë u arratis nëpër pyje e nëpër male.

Pastaj duke u besuar fjalëve të bukura të Ndue Sadikut, krah i djathtë dhe këshilltar i Muharremit, vendosi të dorëzohej e të mos  jetonte malit si bishë, të rrezikonte  jetën e familjes . Pasi ishte paralajmëruar se po të mos dorëzohej, do t’i digjej kulla e stani do t’i konfiskohej malli e bagëtia e familja do t’i burgosej.

Pasi u dërgua në Burgun e Shkodrës, gjyqi special politik e dënoi si nxitës dhe pjesëtarë të revoltës së armatosur për përmbysjen e rrëgjimit kushtetues, si kriminel me duar të përgjakura dhe vrasësin e Komandantit të Qarkut Shkodër Kapiten Ferit Frashri. Vlen te theksohet qëndrimi shumë fisnik i Gjelosh Markut në Gjyq kur u pyet nga Kryetari i seancës se kush e vrau Ferit Frashrin.

Së pari Lek Vuksanin mos e përzieni në këtë punë  e mos e merri në qafe pa pikë fajit. Ferit Frashrin, nëse plumbi e ka marrë në kokë me qatë plumb e kam shytue unë. Ferit Frashri nuk është një burrë me shkua gjak hupur. Nëse duhet të përgjigjet kush për vdekjen e tij qe ku më keni. Unë e vrava ishim në lufte, në luftë nuk shkohet me u puthë, por me u gjuajtur  me plumba.

Pushka të vret, por  nderon  burrin. Qe ku me kini jam dorëzua ne besën tuaj dhe nuk kërkoj mëshire, pasi çdo gja e kam ba me dëshirë kundër këtij regjimi të mallkuar, ndërsa me Ferit Frashrin nuk kam pasur as  gjë personale, por siç e thash kemi qene ne dy llogore kundërshtare luftim (AQSH .Dosja nr 149/viti 1927). U dënua me vdekje varje ne litar, nuk iu mohua prania e priftit, që quhej At Giuseppe Lochman O.F.M.

Vdiq me ndjenja të krishtera, iku nga kjo botë si hero. Nuk u tremb dhe fytyra e tij nuk pati as një shenjë frike u var në litar, aty tek “Fusha e druve”. Varja u bë publike me tellall, viganin e terrorizuar e lanë gjithë paraditen varur për t’i shti tmerrin njerëzisë. Trupi i tij u gropos në Shkodër  dhe nuk u lejua që ta  merrnin  familjaret.

Në Shalë shungulloj gjëma e burrave te moti sa drithëroj gjithë bjeshkët, gjëmë ku morën pjesë gjitha fiset e Dukagjinit .Vajtoret  qanë me kuje dhe derdhen lot pikëllimi mbi rrobat  që vishte trimi kur shkonte ne festa e krushqi,  posi martiri në ditën e lamtumirë nga kjo jetë  prehej diku në një gropë të zezë i ndëshkuar si heretik i regjimit të Ahmet Beut  e tradhtar i atdheut.

Ai flijua në mënyrë biblike për idealet, e tija  opozitare si patriot i sprovuar dhe martir idealeve progresive të kohës  dhe do të jetojë aq sa kombi ynë është i pranishëm në këngët e popullit.

Shkrimi u botua sot në gazetën Shqiptarja.com (print) 02.06.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50