POP 5

Lajmet më të lexuara të 5 minutave të fundit

Sociale

Gjendet mekanizmi mbi 120 vjeçar i orës së vjetër të Shkodrës! Do rindërtohet dhe sahati

Sahati i vjetër i Shkodres do të rivendoset në punë pas 3 dekadash. Mekanizmi ishte ruajtur nga familja Kurraj dhe tashmë po restaurohet për tu vendosur në kullën ku ka qenë më parë.

Shkodër - Shkodrës do t’i kthehet sahati, një nga simbolikat e qytetit e vendosur në një pallat 6 katësh, në një kullë të vogël por që prej vitesh nuk ishte funksionale. Ka qënë një inisiativë e Kryetarit të Bashkisë Shkodër Benet Beci i cili ka kërkuar që kjo vepër të rivihej në funksion ndërkohë që gjatë verifikimit është gjetur edhe mekanizmi i orës mbi 120 vjeçare. Ajo është gjetur në kullën e vogël ngritur enkas mbi pallatin 6 katësh në qendër të qytetit, ku ndodhet dhe sahati i Shkodrës

Mekanizmi ishte ruajtur nga familja shkodrane, Kurraj për 33 vjet pas rrëzimit të komunizmit.

 Petrit Bilali, restaurator thotë se ka qenë kryetari I bashkisë, Benet Beci  që ka kërkuar të restaurohej mekanizmi.

"Është një ndër objektet e ralla në Shqipëri. Shumë nga këto mekanizma janë zhdukur e mendohet se është një ndër më të vjetrit. Duhet të jetë një nga mekanizmat e orëve që kanë qenë në Shkodër, si sahat kulla e kalasë, sahati I qarkut apo një nga kampanjeleve të Shkodrës" thotë Bilali.

Përmes një postimi në facebook kryebashkiaku i Shkodrës, Benet Beci tregon habinë kur e mësoi. 

"Kurrë s'e mendova se do ta gjenim mekanizmin e vjetër të sahatit aty në kullën e vogël ngritur enkas mbi pallat, kur i kërkova një punonjësi të bashkisë të shkonte ta verifikonte. Mekanizmi mbi 120 vjeçar i sahatit ishte akoma aty, falë familjes Kurraj dhe zonjës Suzana që e kishin ruajtur në vite. M'u duk se zbuluam një thesar të qytetit, ndaj dua të shpreh edhe publikisht mirënjohjen time dhe në emër të Bashkisë Shkodër për qytetarinë e treguar nga kjo familje gjatë gjithë këtyre viteve'

Falë orëndreqësit Besnik Sahatçia, mirëmbajtësit Ermir Dibra dhe restauratorit Petrit Bilali u mësua historiku i këtij sahati dhe vlerat që ai mbart, por edhe të realizohej  pastrimi e mirëmbajtjen e mekanizmit të tij.

"Qyteti i Shkodrës ka pasur shumë nga këto orë muri. Shumë më pyesin a po bëhet gjë për të rregulluar orën e murit. Do duhet pak kohë por rëndësi ka që të punojë me saktësi siç ka punuar më përpara. Në bashkëpunim me bashkinë them se do të dalë e bukur’ tregon orëndreqësi  Besnik Sahatçia

Mekanizmi do të bëhet pjesë e fondit të Muzeut të qytetit, shkruan kryebashkiaku duke shtuar se po punohet për rindërtimin e plotë të Sahatit të Shkodrës për ta bërë funksional në të njëjtin vend.

Foto: Sahati i Shkodrës që do të restaurohet

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • isuf: 04/03/2024 11:43

    isuft duhet mi prish se ikajn ba ata pallate ne qender si dors 3 shteti duhet te vendos rregul tju hetoj edhe pasurit se me vrasje e pislleqe ikajn ber

    Përgjigju
  • Xhabisjan: 04/03/2024 07:51

    Po Isufve a do ja prishni ndertimet qe kane pa leje dhe zune frymen e ores apo mekanizmi ju ka ngec?

    Përgjigju
  • Toni: 04/03/2024 00:48

    Aty mbi taracen e pallatit eshte thjesht nje monster komuniste.

    Përgjigju
    • Qytetar: 04/03/2024 08:20

      Ta veme mbi ndonje varreze makinash qe te ngjaje si monster kapitalist? Sidoqofte, rendesi ka te kthehet ne vendndodhjen historike.

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

28 Nëntor, 16:34