Vrasja e Nikolin Lekstakaj, gjendet mjeti i djegur në Gjadër, brenda makinës edhe një kallashnikov, policia: U përdorën për ekzekutim

Policia e Lezhës ka bërë me dije se mjeti i djegur dhe kallashnikovi dyshohet të jenë përdorur për atentatin ndaj Nikolin Lekstakaj.

Njoftimi i policisë:

Lezhë/Informacion shtesë në lidhje me ngjarjen e ndodhur më datë 19.07.2023, në Balldre të Lezhës, ku mbeti i vrarë me armë zjarri shtetasi N.M.(L).

Në vijim të kontrolleve të kryera nga shërbimet policore në të gjithë territorin e rrethit të Lezhës me qëllim gjetjen dhe kapjen e autorëve, në fshatin Gjadër të njësisë administrative Dajç,në një parcelë arë, nga shërbimet e policisë, është gjetur i djegur plotësisht një automjet tip Benz, i cili në shtator të vitit 2022, është denoncuar i vjedhur në Dimal të rrethit Berat.

Nga kqyrja e automjetit, në brendësi të tij, janë gjetur një armë zjarri automatik dhe disa gëzhoja, të gjitha të djegura plotësisht. Arma e zjarrit e gjetur dyshohet të jetë arma që është përdorur për vrasjen e shtetasit N.M.(L). U bë sekuestrimi i tyre në cilësinë e provës materiale për tu dërguar për ekspertime.

Nën drejtimin e prokurorisë, vijojnë veprimet hetimore procedurale të thelluara, për zbardhjen dhe dokumentimin e plotë ligjor të ngjarjes, identifikimin dhe kapjen e autorit/ëve

Lajmi kryesor:

Atentati ndaj Nikolin Lekstakajt në Balldren, gjendet e djegur në Gjadër makina e autorëve! Brenda mjetit të vjedhur në Berat edhe një automatik, dyshohet se u përdor në vrasje

G.MO/Shqiptarja.com

TAG:
• ardian nikulaj
• vritet nikolin lekstakaj
• Lezhe