Lezhë/ Gjendet trupi i pajetë i një 68-vjeçari në Milot! Dyshohet se u përplas makina dhe shoferi e la në rrugë
Gjendet një person i vdekur në Milot të Kurbinit. Report Tv mëson se personi i gjetur pa shenja jetë është i aksidentuar, pasi në vendin e ngjarjes ka copa makine që e kanë përplasur. Polica niset drejt vendit të ngjarjes.
Redaksia 9 Prill 2022, 13:32 | Përditesimi: 9 Prill 2022, 16:38
LEZHË- Një 68-vjeçar është gjetur i pajetë anës rrugës në aksin rrugor Milot -Kryqëzim i Arbërisë mesditën e kësaj të shtune. Report Tv ka mësuar me anë të burimeve, se dyshohet se 68-vjeçari është përplasur mbrëmjen e djeshme nga një makinë, por shoferi është larguar nga vendi i ngjarjes duke mos i dhënë ndihmën e parë apo ta dërgonte në spital.
Viktima është identifikuar si Zef Keci, banues në Rrëshen, teksa ai është parë fillimisht nga banorë të zonët të cilët kanë njoftuar policinë rreth orës 11:300. Në vendin e ngjarjes, siç shihet edhe nga pamjet që sjell Report Tv, duken pjesë të mjetit që dyshohet se e ka aksidentuar.
"Rreth orës 11:30, në aksin rrugor Milot -Kryqëzim i Arbërisë, është gjetur në anë rrugës nga kalimtarët, pa shenja jete, shtetasi Z.K. 68 vjeç, banues në Rrëshen. Nga veprimet hetimore paraprake të kryera, dyshohet që të jetë aksidentuar nga një mjet në lëvizje. Në vendin e ngjarjes, janë gjetur dhe sekuestruar në cilësinë e proves materiale, pjesë të mjetit që dyshohet që e ka aksidentuar" njofton policia.
Me shkurre e ferra, ja vendi ku u gjet trupi i pajetë, dyshohet se u përplas nga makina dhe shoferi u largua
Report Tv sjell pamje nga vendi i ngjarjes ku mendohet të jetë gjetur trupi i një njeriu, i cili nga raportimet paraprake, dyshohet se është përplasur me makinë dhe më pas shoferi është larguar nga vendi i ngjarjes. Siç mund të shiohet edhe në pamje, barriera e rrugës është e dëmtuar.